Kerko Mesazhet ketu

Wednesday 31 October 2012

Ata që kryejnë vrasje me gjakftohtësi, mund të shpëtohen përmes lutjeve tuaja

E Diel, 14 Tetor 2012, në 18:10

Bija Ime fort e dashur, kurrë mos beso, as edhe për një moment, se ata që kryejnë mëkate të tmerrshme, dhe që veprat e liga të të cilëve shkaktojnë mizori në botë, nuk mund të shpëtohen.

Ata që kryejnë vrasje me gjakftohtësi, që i ekzekutojnë bashkë-qytetarët e tyre, apo i vrasin fëmijët e tyre, të cilët janë akoma në bark, mund të shpëtohen përmes lutjeve tuaja.

Shumë shpirtra të tillë nuk do të kërkojnë shëlbim në Sytë e Mi, sepse ata nuk shohin ndonjë gabim në çfarë ata bëjnë. Shpëtimi i tyre varet nga lutjet tuaja.

Këta janë shpirtrat, për të cilët Unë këmbëngul më shumë.

Këta shpirtra të humbur janë kaq të larguar nga Unë, saqë do të jetë vetëm me ndihmën e vuajtjeve të shpirtrave viktimë, dhe lutjeve të dishepujve të Mi, që ata mund të shpëtohen.

Madje dhe ata që, me dijeni e adhurojnë Satanin, dhe që e dinë se Unë ekzistoj, por që vazhdojnë të më tallin Mua, mund të shpëtohen gjithashtu nga ndëshkimi i përjetshëm.

Unë ju bëj thirrje të gjithë juve që të më thërrisni Mua, përmes kësaj Lutjeje të Kryqëzatës, për të kërkuar falje për ata shpirtra, në mëkat mortor, që kryejnë vrasje.

Lutja e Kryqëzatës (80) Për shpirtrat e atyre që kryejnë vrasje.

O Jezus i dashur, unë lutem për Mëshirë për ata që kryejnë vrasje.

Unë bëj thirrje për mëshirë për ata në mëkat mortor.

Unë të ofroj Ty vuajtjet dhe vështirësitë e mia, që Ti ta hapësh Zemrën Tënde dhe t’ua falësh atyre mëkatet.

Unë kërkoj që Ti të mbulosh me Gjakun Tënd të Çmuar të gjithë ata me qëllime djallëzore në shpirtrat e tyre, që të mund të pastrohen nga ligësitë e tyre.

Amen.

Mbajeni mend se, edhe pse mëkatet e tyre mund t’ju bëjnë të ndjeheni keq, ndjekësit e Mi, këta shpirtra kanë nevojë për ndihmën tuaj.

Ata kanë qenë infektuar nga i ligu, dhe shumë prej tyre nuk e njohin ndryshimin midis të mirës dhe të keqes.

Këta janë shpirtrat që më shkaktojnë Mua ankthin dhe dhimbjen më të madhe. Vuajtja Ime po zgjerohet, me qëllim që secili prej tyre të mund të shëlbohet.

Shkoni, dishepujt e Mi, dhe lejoni që Dashuria dhe Përulësia Ime të rrjedhin në zemrat tuaja me qëllim që ju, përmes bujarisë së vuajtjes suaj, të mund të ndihmoni për t’i shpëtuar këta fëmijë të gjorë e të humbur të Hyjit.

Jezusi juaj 

Pastaj do të jetë futja e një vaksinimi global, i cili do t’ju vrasë, nëse ju e pranoni atë

E Shtunë, 13 Tetor 2012, në 16:10

Bija Ime fort e dashur, profecitë e treguara në Fatima, tani po fillojnë të shfaqen në botë.

Qeveritë për sundim mbarë-botëror, të krijuara në ato shtete që po punojnë pa u lodhur së bashku, tashmë e kanë përfunduar punën e tyre, e cila ka për t’iu paraqitur së shpejti botës.

Kur ajo të shfaqet, do të krijohet feja e re mbarë-botërore, e cila është një neveri në Sytë e Atit Tim.

Kisha Ime ka qenë infektuar nga armiqtë brenda saj, të cilët janë ujqër të veshur me lëkurën e deles. Ata i mashtrojnë të gjithë ata me të cilët bien në kontakt.

Pastaj do të jetë futja e një vaksinimi global, i cili do t'ju vrasë, nëse ju e pranoni atë.

Kjo është një kohë kur vetëm lutja, dhe shumë prej saj, mund ta zbusë efektin e kësaj ligësie të tmerrshme, të krijuar nga një grup elitar i njerëzve në pushtet.

Ata po punojnë në çdo pjesë të qeverive tuaja; dhe ata që punojnë, krah për krah me ata çdo ditë, e dinë se çfarë janë duke bërë.

Kaq dinakë janë ata, saqë ata do ta paraqesin çdo vepër të keqe, sikur të ishte një gjë e madhe, një shërbim i madh ndaj njerëzimit. Ata do të bëjnë çfarë të munden për të përdhosur çdo gjë që ka të bëjë me Hyjin.

Ata do të përhapin dhe promovojnë paganizmin. Fëmijët e Hyjit, që i pranojnë ligjet e tyre, dhe mësimet e tyre, do të infektohen me metodat e tyre djallëzore.

Ju duhet të luteni për mbrojtje, por përmbi të gjitha, ju duhet të luteni për këta shpirtra. Sepse Ati Im ka ndër mend t'i ndëshkojë ata. Ai do ta veçojë çdo njërin prej tyre, dhe do t'i shkatërrojë ata. Pa lutjet tuaja, ata do jenë të humbur, dhe do të hidhen në liqenin e zjarrit.

Jezusi juaj 

Tuesday 30 October 2012

Do të ketë nivele të ndryshme në Parajsën e Re të 12 kombeve

E Premte, 12 Tetor 2012, në 23:15

Bija Ime fort e dashur, Dashuria Ime është kaq e fuqishme, saqë tani po ndjehet edhe nga ata që nuk e njohin Hyjin.

Pavarësisht nga ligësia e pranishme në botë, njerëzit tani ndjejnë në zemrat e tyre një dashuri për të tjerët, e cila nuk përputhet me korrupsionin, që gjendet brenda shpirtrave, dhe që do t'i çudisë ata.

Kaq papritmas do t’ua përshkojë shpirtrat kjo dashuri, saqë shumë prej tyre do të shpërthejnë në lot. Këto lotë dashurie, kaq të pastër në zemrat e tyre, do t'i copëtojnë ata më dysh. Ata nuk do ta dinë përse ndjehen kështu ndaj vëllezërve dhe motrave të tyre. Ata gjithashtu do ta ndjejnë këtë dashuri të vërtetë dhe të veçantë për Krijuesin e tyre, Hyjin Atë. Prapë ata nuk do ta pranojnë se Ai ekziston. Në të kundërt, shumë do të enden dhe do ta pyesin veten.

Çfarë është kjo dashuri e pabesueshme, por e fuqishme, që unë e ndjej në zemrën time? Si mund të ndodhë kjo, nëse nuk ka Hyj? Si mund ta ndjej unë këtë dashuri, nëse jam thjesht një produkt i evolucionit; një produkt i pjesëzave që janë krijuar nga toka?

E Vërteta, fëmijët e Mi, është kjo. Ju nuk jeni një pjesëz e tokës, një mbetje e kohës. Ju jeni një qenie e gjallë, një shpirt i gjallë, i cili ka kapacitetin për jetë të përjetshme, pa fund.

Ju vuani për shkak të mëkatit të Adamit dhe Evës, prindërve tuaj të parë. Ju mund buzëqeshni, të tallni apo të vini në lojë atë që ju e mendoni të jetë një histori e imagjinuar, por e Vërteta është se ju po jetoni një jetë jo të përkryer. Kjo jetë e vuajtjes është për shkak të mëkateve të prindërve tuaj të parë. Të njollosur me mëkatin e tyre, ju jeni të verbuar ndaj të Vërtetës së Hyjit, nga i njëjti gjarpër, që i mashtroi ata.

Ju besoni se jetoni në një botë të vërtetë, një botë të materies, që ka kohëzgjatje të kufizuar. Jeta juaj në tokë është e shkurtër. Trupi juaj plaket. Shëndeti juaj përkeqësohet. Me kalimin e kohës trupi juaj vdes. Neglizhojeni shpirtin tuaj, frymën e jetës tuaj, dhe ju s’jeni asgjë.

Pranojeni se ju jeni një fëmijë i Hyjit dhe jeta juaj në tokë do të bëhet më e rëndësishme, kur ju të jetoni një jetë sipas Ligjeve të Hyjit. Jeta juaj do të zgjatet, dhe do t'ju jepet një Dhuratë e madhe, Jeta e Përjetshme.

Po t'ju tregohej një vështrim i kësaj jete, për vetëm një orë, ju kurrë nuk do ta fyenit Atin Tim. Ju duhet ta dini se ju do t'i merrni këto Dhurata.

Ju do të jetoni me tërë familjen tuaj, ata të cilët kanë vdekur në gjendjen e hirit të Zotit, dhe ata që do të formojnë ushtrinë Time të mbetur në tokë.

Trupi juaj do të pastrohet dhe do të ri-krijohet në një gjendje të përsosur, të bazuar në moshën në të cilën ju e pranuat Dashurinë e Hyjit.

Ju do të jetoni në dashuri dhe paqe me të dashurit tuaj dhe fqinjët tuaj. Asnjëri prej jush nuk do të ketë nevojë për ndonjë gjë.

Do të ketë nivele të ndryshme në Parajsën e Re të 12 kombeve. Në nivelin më të ulët do të jenë qytetet dhe fshatrat, të gjithë duke punuar në një vend paqeje, dashurie, lumturie dhe kënaqësie. Askush nuk do të ketë nevojë për ndonjë gjë tjetër. Unë do të jem Mbreti i tyre, Zotëria i tyre, dhe Unë do të mbretëroj midis tyre, në Bashkim Mistik.

Pastaj do të jenë nivelet më të larta. Ato do t'i mbajnë të gjitha kombet së bashku, në bashkim me Mësimet e Mia, dhe të gjithë njerëzit do të rrinë në harmoni të plotë me njëri-tjetrin, dhe me kafshët e tokës, të mëdha e të vogla.


Të gjithë do të jetojnë duke ngrënë nga Pema e Jetës. Askujt nuk do t'i mungojë ushqimi.

Pastaj do të jenë qeveritë e kombeve. Ato do të sigurojnë që gjithçka të jetë në përputhje me Mësimet e Mia. Qeveritë e Mia do të qeverisen nga shenjtorët dhe apostujt e Mi.

Kjo do të vazhdojë deri në fund fare, kur ringjallja e dytë e të vdekurve do të ndodhë, për ballafaqimin përfundimtar.

Satani do të lirohet, së bashku me djajtë e tij, për një periudhë të shkurtër. Pastaj e gjithë ligësia do të shkatërrohet. Mëshira Ime, më në fund, do t'i paraqitet botës, në Qiellin e Ri dhe Tokën e Re të kombinuar.

Pastaj gjithçka do të zbulohet, kur misteri i Hyjit do t'iu tregohet të gjithëve, në Lavdinë e vet të plotë dhe përfundimtare.

Jezusi juaj 

Shumë prej jush do të më mohojnë Mua duke i pranuar këto ligje të reja djallëzore

E Enjte, 11 Tetor 2012, në 10:03

Bija Ime fort e dashur, vështirësitë që hasin dishepujt e Mi, në këtë periudhë, janë të dyfishta.

Së pari, atyre iu duhet të dëshmojnë gënjeshtrat, që po shfaqen para tyre, prej qeverive jofetare, të cilat po ua imponojnë. Këto gënjeshtra, në formën e ligjeve të reja të propozuara, ideve të reja dhe rregullave të reja, bëjnë vetëm një gjë. Ato i thyejnë Ligjet e Hyjit. Ato janë ligjet e tolerancës, të cilat lejojnë lirshëm, që veprat e mëkatit të lartësohen në kushtetutat dhe kishat tuaja.

Tortura e dytë do të jetë për shkak të presionit, që do të vihet mbi ju, po të guxoni të flisni të Vërtetën, Fjalën e Hyjit. Guxoni të flisni të Vërtetën, bija Ime, dhe ju do të sfidoheni ashpër. Pastaj ju do të akuzoheni se jeni jo të krishterë dhe që ju mungon toleranca.

A e shikoni se si punon Satani? Ai i mashtron shpirtrat e dobët duke i bërë të besojnë gënjeshtra dhe të pranojnë mëkatin, duke e refuzuar atë, sikur të mos ekzistojë fare.

Këta njerëz, të lidhur ngushtë, nëpër të gjitha kombet, po e shtojnë presionin, me qëllim që t’i shkatërrojnë Kishat e Mia të Krishtera, dhe që ta bëjnë mëkatin të pranueshëm. Ata synojnë që të heshtin ndjekësit e Mi dhe aftësinë e tyre për ta shprehur haptas të Vërtetën e Fjalës Sime të Shenjtë.

Ju do të vuani për shkak të këtyre neverive. Kur t’ju ndodhë kështu, dijeni se Unë bashkohem ngushtë me zemrat tuaja.

Ju lutem të jeni të fortë, për hatrin Tim. Ju duhet të luteni për këta shpirtra të shkretë të zhgënjyer, sepse ata janë gurë shahu, në një lojë djallëzore, të komplotuar nga ata që nderojnë Satanin.

Mos u mashtroni, sepse pikërisht kur ju të mendoni se ligësia e tyre, e maskuar si tolerancë dhe dashuri për të drejtat e të tjerëve, e ka mundur njerëzimin, beteja do të intensifikohet.

Dora e Atit Tim do të godasë me një forcë të tillë, saqë ata, autorët e krimit, do të fshihen nga faqja e dheut. Ju kurrë nuk duhet të dëshpëroheni dhe të mendoni se ky grup do t'i mposhtë dishepujt e Mi. Ata nuk do të jenë kurrë në gjendje që ta bëjnë këtë, megjithëse, mund të duket kështu, nganjëherë.

Zgjohuni, shërbëtorët e Mi të shenjtë. Ju nuk duhet t'ia lejoni vetes që të ngacmoheni apo të tërhiqeni brenda këtij plani djallëzor, të krijuar për ta përdhosur Fjalën e Hyjit.

Ju duhet t'i mbroni Mësimet e Mia, Shpëtimtarit tuaj, dhe kurrë të mos më mohoni Mua. Prapë, ju do të tundoheni për ta bërë këtë. Shumë prej jush do të më mohojnë Mua, duke i pranuar këto ligje të reja djallëzore.

Nëse e bëni këtë, Unë do të jem duke pritur, sepse nëse ju më thërrisni Mua, Unë do t'ju ngre lart. Me Ndërhyrjen Time Hyjnore, Unë do t'ju mbështes.

Ju lutem, recitojeni këtë Litani (3) Për të Mbrojtur Fjalën e Hyjit

O Jezus i dashur, na mbro nga gënjeshtrat, të cilat e fyejnë Hyjin.

Na mbro nga Satani dhe ushtria e tij. Na ndihmo të të duam Ty më shumë.

Na ruaj në betejën tonë. Na mbro në besimin tonë.

Na udhëhiq drejt Strehës Tënde të shpëtimit.

Na ndihmo që të ngrihemi dhe të mbrojmë Vullnetin Tënd të Shenjtë. Forcoje qëllimin tonë që të bëhemi dishepujt e Tu të vërtetë. Na jep kurajë.

Na jep besim.

Na drejto në Udhën e së Vërtetës. Na mbro kundër armikut.

Vërshoi Hiret e Tua të Mbrojtjes përmbi ne. Na ndihmo të shmangim tundimin.

Na sill më pranë Zemrës Tënde të Shenjtë.

Na ndihmo të mbetemi besnikë ndaj Teje në çdo kohë.

Amen.


Shkoni, ushtria Ime, me qetësi dhe paqe, duke e ditur se Unë jam pranë zemrave tuaja në këto kohë të frikshme. Kur të jeni të vetmuar, të ndjeheni të humbur apo të braktisur, dijeni këtë. Është atëherë kur Unë do të jem më pranë jush. Do jetë atëherë kur dobësia juaj do të kthehet në forcë të madhe, ndërsa forca e dukshme e armikut tuaj, do të venitet plotësisht.

Jezusi juaj 

Monday 29 October 2012

Unë dëshiroj t’iu bëj thirrje të gjithë fëmijëve të Hyjit në Shtetet e Bashkuara të Amerikës

E Martë, 23 Tetor 2012, në 20:30

Bija Ime fort e dashur, Unë dëshiroj t'iu bëj thirrje të gjithë fëmijëve të Hyjit në Shtetet e Bashkuara të Amerikës që të luten për besimin e tyre.

Ashtu siç do të ndodhë edhe në vende të tjera të Krishtera, besimi juaj do të sulmohet, dhe çdo përpjekje do të bëhet për t’i fshirë të gjitha gjurmët e Mia, Jezusit tuaj.

Ju duhet të formoni sa më shumë Grupe Lutjesh që të mundeni, në mënyrë që të bashkuar përmes Zemrës Sime të Shenjtë, juve t’iu jepen hiret për t'i bërë ballë këtij persekutimi.

Besimi i Krishterë do të ndalohet, me kalimin e kohës, së bashku me fetë e tjera, që e nderojnë Atin Tim.

Ju, ndjekësit e Mi të dashur, do të mbroheni nga Qielli, por ju duhet të luteni për forcë, sepse ndryshimi i demokracisë është gati për t'u kthyer, përmbys.

Si kombi më i madh në botë që e shpall lirinë, nëpërmjet demokracisë, juve së shpejti do t'ju mohohet e drejta për të qenë të Krishterë.

Kjo e drejtë, edhe pse e mohuar juve, do të shikohet si një manovër demokratike. Këto ligje të reja, që së shpejti do të futen në kombin tuaj, do të shihen si ligje gjithëpërfshirëse, ku çdonjëri të jetë i mbrojtur, nën një fe të vetme botërore.

Këto ligje do ta fyejnë Emrin Tim të Shenjtë, por Unë nuk do t'ju braktis. Unë do t'ju jap gjithë ndihmën që ju duhet. Gjithçka që ju duhet të bëni është të më kërkoni Mua.

Unë ju shikoj dhe ju mbroj, pasi koha për përmbysjen e Kishave të Krishtera është afër.

Ato mund të mbyllen, fëmijët e Mi; t’i ndryshojnë Sakramentet e Mia, që ato të bëhen të pavlefshme; t’i dekurajojnë shërbëtorët e Mi të shenjtë dhe t'ju ngacmojnë ju, por kjo nuk do të ketë asnjë dobi. Fuqia e tyre as nuk do mund të krahasohet me thjeshtësinë e besimit tuaj, përulësinë e shpirtit dhe dashurinë për Mua, Jezusin tuaj.

Shpëtimtari juaj i dashur
Jezu Krishti 

Paganizmi do të imponohet mbi të gjitha Kishat e Hyjit

E Mërkurë, 10 Tetor 2012, në 21:50

Bija Ime fort e dashur, thuaji botës se ata duhet të zgjohen nga dremitja e tyre. Nëse nuk e bëjnë këtë, ata nuk do të arrijnë të shikojnë shpalosjen e planeve të liga, që Unë i parathashë disa kohë më parë.

Unë po flas për sundimin global, që po orkestrohet për ta shkatërruar Krishtërimin. 

Kisha Ime është duke u asgjësuar, gur pas guri. Shërbëtorët e Mi të shenjtë po shtyhen, qëllimisht, përtej durimit të tyre.

Kisha Ime gjithashtu është duke u përdhosur prej atyre që praktikojnë adhurimin e bishës.

Këta mashtrues të rremë nuk janë të Krishterë. Ata praktikojnë okultizmin dhe depërtojnë në të gjitha organizatat, duke përfshirë kisha të ndryshme dhe fe të ndryshme. Ata e vënë në shënjestër, në veçanti, Kishën Katolike.

Kjo është Kisha që ata e urrejnë më shumë. Gënjeshtrat e tyre kanë rezultuar në atë që Katolikët kanë turp të ngrihen dhe ta mbrojnë Kishën e tyre.

Gënjeshtrat e tyre e kanë bërë të vështirë, për të gjitha Kishat e Krishtera, që t’i mbrojnë Sakramentet e Shenjta, ashtu siç diktohet prej Hyjit.

Paganizmi do të imponohet mbi të gjitha Kishat e Hyjit dhe mjerë ai njeri që ngrihet për të mbrojtur të Vërtetën e Hyjit.

Koha ka ardhur për ndarjen e njerëzimit. Unë do të vij dhe do ta ndaj tokën.

Ata që janë besnikë ndaj Mësimeve të Mia do të merren në Gjirin Tim. Ata që nuk i binden Hyjit, dhe blasfemojnë kundër të Vërtetës, do të flaken tutje.

Beteja tashmë ka filluar. Prova po ju paraqitet.

Ka akoma kohë për të zgjedhur midis gënjeshtrave të këtij grupi satanik, të cilët vijnë të veshur si qengja, ose të Vërtetës, për të cilën do t’ju thuhet se është një gënjeshtër.

Ju duhet të jeni vigjilentë në çdo kohë. Mbajini sytë hapur. Kthejeni shpinën kur të jetë blasfemuar kundër Emrit Tim, Trupit Tim, Fjalës Sime.

Jezusi juaj 

Kjo fe e re mbarë botërore do t’i kryejë nderime bishës

E Martë, 9 Tetor 2012, në 21:31

Bija Ime fort e dashur, shumë shpirtra janë vigjilentë në këtë kohë, ndërsa ata i dëshmojnë ndryshimet e shpejta në Kishën Time Katolike, që tani po fillojnë të shfaqen.

Shenjat po fillojnë të tregojnë gjithçka që Unë e kam profetizuar përmes teje. Mungesa e Meshave të ofruara tani mund të shihet. Eukaristia e Shenjtë nuk është më e arritshme lehtësisht. Sakramenti i Rrëfimit është i kufizuar në shumë prej Kishave të Mia.

Shumë prej kishave të Mia nuk kanë më priftërinj për t'i administruar ato. Ka kaq shumë njerëz që po i braktisin kishat e Mia, në këtë kohë të mundimit, saqë shumë shpejt, këto kisha do t'iu jepen pronarëve të biznesit.

Ndërsa besimi i të Krishterëve është duke u vënë në provë, është e rëndësishme, kështu, që të vazhdoni të lusni Lutjet e Mia të Kryqëzatës. Së shpejti, shërbëtorë të rinj do të futen brenda Kishave Katolike dhe në Kishat e tjera të Krishtera.

Ndryshimet fetare do të zbehen pak nga pak si fillim. Pastaj, brenda një kohe të shkurtër, ju nuk do t'i njihni më Mësimet e Mia, sepse ato do të jenë zhdukur gradualisht. Në vend të tyre do të jenë një varg shqiptimesh të paqarta, por poetike, që promovojnë tolerancën ndaj mëkatit.

Gënjeshtrat, e paraqitura besimtarëve jo-dyshues që shkojnë në kishë, nuk do të vihen re në fillim. Pastaj, një ndjenjë e thellë shqetësuese se diçka nuk po shkon si duhet, do të fillojë t'i ndjekë ndjekësit e Mi.

Mashtrimi final do të jetë kur Sakramentet e Shenjta të jenë zëvendësuar me gjëra pagane.

Gjithçka do të kryhet nën kontrollin e profetit të rremë, që do të deklarojë se është krye-prift mbi të gjitha fetë, të kombinuara në një. Kjo fe e re, mbarë botërore do t'i kryejë nderime bishës.

Të gjithë ata që e ndjekin verbërisht do të gllabërohen prej bishës dhe do të jenë të humbur për Mua përgjithmonë.

Shpejtësia me të cilën kjo do të ndodhë do t'i çudisë ndjekësit e Mi. Plani është kurdisur me kujdes. Fushata, për ta kthyer mospranimin e të Krishterëve në pranim të ligjeve laike, është duke u planifikuar me profesionalizëm.

Kjo po planifikohet mes shumë kombeve, nga një grup, që përdor personalitete, njerëz të famshëm dhe koka drejtuese, të gjithë të respektuar nga shumica, për t’i miratuar gënjeshtrat e tyre djallëzore.

Po ju paralajmëroj. Mos i pranoni gënjeshtrat. Mos u përfshini në planin për ta përdhosur Emrin Tim të Shenjtë.

Jezusi juaj
Mbreti dhe Shpenguesi i të gjithë njerëzimit 

Sunday 28 October 2012

Shpallja për ta lajmëruar Ardhjen Time të Dytë, do të jetë e befasishme

E Hënë, 8 Tetor 2012, në 19:00

Bija Ime fort e dashur, Unë iu kërkoj të gjithë ndjekësve të Mi që të jenë të fortë në këtë kohë. Fjala Ime e Shenjtë, Dhurata Ime për njerëzimin, që po ju jepet përmes këtyre Mesazheve, do të jetë subjekti i shumë kritikave.

Ju duhet të qëndroni të fortë kur Fjala Ime të copëtohet dhe të nënvlerësohet. Kjo do të jetë shumë e vështirë, por ju duhet ta duroni këtë torturë, sepse ky është vetëm fillimi.

Armiku do të ngrihet dhe do t'i copëtojë Mesazhet e Mia, të dhëna secilit prej jush me qëllim që shpirtrat të mund të shpëtohen.

Ai e numëron çdo shpirt që ngashënjen dhe pastaj i largon ata nga Mesazhet e Mia. Ai e bën këtë duke i tunduar besimtarët, në fillim, me qëllim që ata të mos punojnë me Mua për të shpëtuar vëllezërit dhe motrat tuaja. Ai nuk do që ju të luteni për të shpëtuar shpirtrat e tyre.

Cilido shërbëtor i Kishës Sime, që ju ndalon të lusni Lutjet e Mia të Kryqëzatës, ka nevojë për lutjet tuaja. Ata nuk mund ta ndalojnë përhapjen e lutjeve të Mia. Kur ata e bëjnë këtë, ata kanë nevojë për ndihmën tuaj. Për fat të keq, shumë shpirtra do të çohen larg nga Misioni Im, i fundit i këtij lloji në tokë.

Këto kohë do të shohin rritjen e përçarjes brenda Kishës Sime; njëra anë duke vuajtur për të mbrojtur Ungjillin Tim, dhe tjetra duke u përpjekur që ta ri-shpikë Kishën Time, të modernizojë Mësimet e Mia dhe të sjellë ligje të turpshme brenda Kishës Sime.

Ngrihuni me kurajo dhe bashkohuni, sepse kjo kohë është pothuajse përmbi ju dhe ju do të dëgjoni për këto praktika të reja, ku asnjëra prej tyre nuk i përshtatet Ungjillit Tim të vërtetë, Mësimeve të Mia apo të Vërtetës.

Këto sprova do të shfaqen si barrikada të mëdha. Ju, dishepujt e Mi do të ndjeheni në kurth. Ju do të ndjeheni të pashpresë dhe lotët do ju rrjedhin.

Dobësia juaj do të jetë forca juaj. Do të jetë përmes vuajtjes suaj, kur ju ta dëshmoni këtë fshikullim të tmerrshëm, që ju do të bëheni të fortë.

Për çdo sprovë që do të duroni në Emrin Tim, Unë do t'ju bëj akoma edhe më të fortë. Këmbëngulni dhe Unë do t'ju bekoj me hiret e forcës, kurajës dhe bindjes.

Ju jeni ushtria Ime, rrezja Ime e dritës në botë. Çdo përpjekje do të bëhet për ta shuar këtë dritë, por do të jetë pa vlerë.

Rrezja e dritës suaj, dashurisë suaj për Mua, do të ndriçohet për t’u bërë si një burim drite dhe pastaj një zjarr i madh. Ky Zjarr i Shpirtit të Shenjtë, që do ta mbërthejë secilin prej jush, do t'i përhapë flakët e tij në çdo skaj të botës.

Do të jeni ju, ushtria Ime e çmuar, ata që do ta bëjnë këtë. Ju do të udhëhiqeni nga Qielli. Ju do të marshoni përpara. Ju do të shkelni përmbi ushtrinë e ligë të shpirtrave të shkretë që janë duke u komanduar nga Satani dhe ata do të jenë të pafuqishëm kundër jush.

Së shpejti pas kësaj, Lavdia e shpalljes Sime të madhe do të shfaqet në botë.

Shpallja për të lajmëruar Ardhjen Time të Dytë do të jetë e befasishme. Do të jetë gjithashtu e papritur, edhe pse ju keni qenë të mirë-përgatitur. Në atë pikë juve do t’ju lihet në trashëgim Dhurata e madhe e Jetës së Përjetshme.

Jezusi juaj 

Virgjëra Mari: Unë derdh lot gjaku për ata dhe Zemra ime është e rënduar

E Diel, 7 Tetor 2012, në 11:00

Të lutem, fëmija im, lutu për fëmijët e mi të humbur të cilët shtohen në numër për çdo ditë. Ata nuk besojnë, dhe as që mund të besojnë, tek Biri im dhe të kthehen në anën tjetër.

Unë derdh lot gjaku për ata dhe Zemra ime është e rënduar. Sa të humbur janë ata dhe sa të zbrazët ndjehen. Unë lutem që Hyji, në Mëshirën e Tij, t'ua hapë zemrat e tyre të ngurtësuara së shpejti.

Paralajmërimi është afër, fëmija im. Fëmijët e mi kanë nevojë që të përgatiten. Ata që i shmangin këto Mesazhe të Shenjta, nga Biri im dhe Ati im i Përjetshëm, do të kenë për t’iu përgjigjur Hyjit.

Shumë vetë e kanë dëmtuar këtë Mision dhe i kanë inkurajuar shpirtrat që të largohen. Shumë shpirtra të tillë kanë vdekur që atëherë, në mëkat mortor. Nëse ata do t'i kishin pranuar lutjet e dhëna njerëzimit, përmes Kryqëzatës së Lutjes, ata mund të kishin qenë shpëtuar.

Ata që nuk do t'i pranojnë këto Mesazhe nuk duhet të punojnë me të ligun për ta nënvlerësuar Fjalën e Hyjit. Ju duhet të luteni për ndihmën që ju duhet për të gjetur paqe brenda vetes.

Ka qenë profetizuar, se profeti i kohëve të fundit nuk do të pranohej, edhe pse, shumë kthim në besim do të arrihet, përmes përhapjes së Fjalës së Hyjit.

Do të jetë në dëmin tuaj ta refuzoni ndihmën, e cila po ju dërgohet nga Qielli, në këtë kohë, për t'ju ndihmuar që të shpëtoni shpirtrat tuaj.

Mos e fyeni Birin tim, duke refuzuar që ta dëgjoni. Ju mund të bëni një vesh të shurdhër pasi t'i keni lexuar këto Mesazhe nga Qielli, por së pari ju duhet të dëgjoni.

Vullneti juaj i lirë do të thotë se ju mund të zgjidhni në cilën udhë dëshironi të ecni.

Vullneti juaj i lirë nuk do të thotë se ju e keni të drejtën për të blasfemuar qëllimisht kundër Shpirtit të Shenjtë.

Kur Paralajmërimi të ndodhë, ju do të mbusheni me Dritën e së Vërtetës. Shpirti juaj do të ndriçohet dhe ju do të shikoni se çfarë punësh të mira, dhe punësh të këqija, ju keni kryer përgjatë jetëve tuaja.

Në atë fazë, shumë prej jush do ta përqafojnë Dashurinë e Hyjit. Për fat të keq, shumë vetë do të jenë tepër kokëfortë për t’i pranuar keqbërjet e tyre. Ata do të hidhen tutje dhe do të vuajnë tmerrësisht.

Të jeni të përgatitur në çdo kohë. Koha është e shkurtër.

Nëna juaj e dashur
Nëna e Hyjit
Nëna e Shpëtimit 

Drita e Hyjit është e pranishme tek secili prej jush

E Shtunë, 6 Tetor 2012, në 23:05

Bija Ime fort e dashur, për të më dashur Mua me të vërtetë, ju duhet t'i shikoni të tjerët përmes Syve të Mi. Kur ju e shkoni një person tjetër, vështrojeni me kujdes dhe përpiquni të shikoni Praninë Time, sepse Unë jam i pranishëm tek të gjithë shpirtrat, madje edhe tek shpirtrat e nxirë.

Unë jam atje. Vështroni dhe ju do të më shikoni Mua. Kjo është një nga hiret më të jashtëzakonshme të dhëna nga Ati Im i Përjetshëm tek çdo fëmijë i Tij.

Drita e Hyjit është e pranishme tek secili prej jush.

Kjo është dashuri dhe çdo shpirt e ka kapacitetin për dashuri.

Kur ju i shikoni të tjerët, përmes Syve të Mi, ju do të ndjeni dashuri dhe kjo do ta prekë shpirtin tuaj në një mënyrë që ju nuk mund ta mohoni. Kjo dashuri është e vërtetë, dhe prapë ju as nuk mund ta shikoni apo ta prekni atë. Ju gjithashtu do ta keni të vështirë t'ua shpjegoni të tjerëve. Prapë ajo është e pranishme.

Nëse të gjithë fëmijët e Hyjit do ta nderonin Praninë Hyjnore të Atit Tim në botë, në fëmijët e Tij, atëherë paqja do të mbretëronte mbi tokë. Kërkojeni dashurinë dhe ju do ta gjeni atë.

Kaloni pak kohë për të reflektuar mbi ato që Unë ju them tani.

Drita e Dashurisë së Hyjit është si një yll i ndritshëm i pranishëm në çdo shpirt. Tek disa, ajo ndriçon shkëlqyeshëm dhe ju mund ta ndjeni dashurinë nga ai person t'ju mbështjellë ju. Tek të tjerët, ajo është, veçse një dritëz e zbehtë, e vështirë për t’u gjetur, por prapë është atje sidoqoftë.

Kur ju e shikoni njëri-tjetrin, mendojeni këtë kështu. Hyji e krijoi secilin prej jush. Ju jeni vëllezër dhe motra në Sytë e Tij. Atij i sjell kaq shumë gëzim kur Ai i shikon fëmijët e Tij të tregojnë dashuri dhe respekt për njëri-tjetrin.

Kur ata zihen midis njëri-tjetrit, kur u shkaktojnë vështirësi dhe vuajtje të tjerëve, Ai ndjen një dhimbje të tmerrshme. Ashtu si çdo prind, Ai lëndohet kur fëmijët e Tij nuk e ndajnë Dashurinë e Tij, Dashurinë përmes së cilës ata ishin krijuar.

Kujtoni gjithashtu se kur ju e lëndoni njëri-tjetrin, ju lëndoni Atin Tim. Ai e ndjen dhimbjen që ju shkaktoni mbi fëmijët e Tij.

Mendoni dyfish herën tjetër përpara se të gjykoni rëndë dikë tjetër apo të tregoni urrejtje, kundrejt një tjetri. Kur ju i bëni këto gjëra, ato janë të papëlqyera prej Atit Tim.

Nëse dikush ju lëndon, lutuni për ata. Sepse kur ka tension dhe mungesë dashurie të pranishme midis dy njerëzve, kjo është e shkaktuar nga shpirtrat djallëzor.

Ngrihuni përmbi këtë tundim. Duajini të tjerët. Trajtojini ata me respekt. Shikojini ata, sikur përmes Syve të Hyjit. Kur ta bëni këtë, ju do të gjeni dashuri. Ju do ta keni më të lehtë të jetoni me njëri-tjetrin dhe të pranoni gabimet e njëri-tjetrit.

Jezusi juaj

https://fatherofloveandmercy.wordpress.com/2012/10/06/the-light-of-god-is-present-in-each-and-every-one-of-you/

Saturday 27 October 2012

Hyji Atë: Dora Ime e Drejtësisë po pret që t’i ndëshkojë ato qeveri që komplotojnë për t’i lënduar fëmijët e Mi

E Enjte, 4 Tetor 2012, në 14:55

Bija Ime më e dashur, Unë dëshiroj që ti ta dish se, edhe pse bota mund të duhet durojë një pastrim të madh, i cili mund të mos jetë i këndshëm, Mëshira Ime është e madhe.

Unë jam një oqean i Mëshirës dhe do të vë në zbatim ndryshime të mëdha për të siguruar që të gjithë fëmijët e Mi të shpëtohen nga katastrofa. Katastrofa për të cilën Unë po të flas përfshin punën e një force djallëzore sekrete në botë, që po përpiqen të kontrollojë çdo komb, për përfitimin e tyre të lig.

Sa shumë shpirtra të tillë e refuzojnë Mëshirën e Birit Tim të dashur. Sa shumë prej tyre nuk do ta pranojnë Atë. Ata vazhdojnë të shkaktojnë vuajtje të papërgjegjshme përmbi ata që kontrollojnë dhe nuk arrijnë ta pranojnë se mëkatet e tyre nuk do të kalojnë pa u vënë re. Ata mund të luftojnë kundër Fuqisë së Dorës Sime, por Dora Ime do të bjerë mbi ata dhe do t'i shkatërrojë.

Ata do ta njohin Fuqinë e Hyjit, me kohën, por për shumë prej tyre do të jetë tepër vonë.

Çdo Vepër e Imja, përfshirë mrekullitë e mëdha, do të dëshmohet nga i gjithë njerëzimi së shpejti. Unë do të bëj gjithçka që mundem, në Mëshirën Time të Madhe, e cila do ta mbulojë njerëzimin si një oqean i madh, për ta shpëtuar njerëzimin. Asnjë njeri nuk do të mbetet pa u prekur nga Dhuratat e Mia.

Kur kjo të ndodhë, Unë do t’i ndjek pas ata njerëz që do të largojnë Mua, megjithëse do ta kenë kuptuar se kush Jam Unë.

Pastaj, ata udhëheqës në botë që nuk zbatojnë Ligjet e Mia Hyjnore dhe që e terrorizojnë tokën me mizorinë e tyre ndaj fëmijëve të Mi, do të goditen. Në atë kohë, Unë nuk do t'i lejoj ata të shpëtojnë nga Drejtësia Ime Hyjnore.

Ata janë duke u paralajmëruar, në këtë Mesazh, që të ndalojnë tani. Ata duhet të luten për udhëzim, nëse ndjehen në vështirësi apo nën presion, për të futur ligje tek kombet, të cilat do të shkaktojnë vështirësi.

Unë ua jap atyre këtë kohë tani që të ndalojnë çfarë po bëjnë dhe të më luten Mua për t'i ndihmuar që t'i bëjnë ballë regjimeve djallëzore, të cilat po planifikohen kundër shtetasve të tyre.

Ata e dinë se për çfarë po flas Unë.

Unë jam Krijuesi i racës njerëzore. Unë e njoh çdo fëmijë Timin. Atë çfarë ata shohin. Atë çfarë ata ndjejnë. Atë çfarë ata mendojnë. Unë gjithashtu i njoh, ata midis tyre, të cilët janë betuar për besnikëri ndaj veprave, të cilat shkaktojnë vuajtje të tmerrshme mbi njerëzit në mbarë botën.

Dora Ime e Mëshirës po pret që t’ju kthejë brenda strehës së Mbretërisë Sime.

Dora Ime e Drejtësisë po pret që t’i ndëshkojë ato qeveri që komplotojnë për t’i lënduar fëmijët e Mi. Ju nuk do të lejoheni që ta shkaktoni këtë vuajtje.

Sepse, sapo që ju të fusni ligje, të krijuara për t’i kontrolluar ata që ju i shërbeni, të cilat janë të neveritshme për Mua, unë do t'ju dërgoj një ndëshkim të tillë, saqë asnjëri nuk do të ketë dyshim se çfarë e shkaktoi këtë ndëshkim.

Ju jeni fëmijët e Mi dhe tek Unë ju duhet të ktheheni për mbrojtje. Pa mbrojtjen Time ju do të jeni në mëshirë të Satanit.

Mos e harroni se ai, Satani, ju urren të gjithë juve. Megjithatë, për shkak të mënyrave të tij joshëse të fuqishme dhe të mprehta, ju e ndiqni prirjen e tij për pushtet si skllevër.

Zgjidhni pushtetin mbi këtë tokë, i cili mund t'ju lartësojë dhe sjelli famën përmbi udhët e Zotit, dhe ju do të hidheni tutje.

Ky paralajmërim po ju jepet për të siguruar që ju ta kuptoni se ka vetëm një Krijues. Vetëm një, i cili e krijoi njerëzimin. Vetëm një, i cili e ka fuqinë për t’i dhënë fund gjithçkaje që ekziston në tokë.

Hyji Më i Larti
Krijuesi i gjithçka që shihet dhe që nuk shihet

Krishtërimi po sulmohet për një arsye kryesore

E Mërkurë, 3 Tetor 2012, në 13:30

Unë jam partneri yt i dashur mistik, Biri i Njeriut, i lindur prej Virgjërës Mari të Papërlyer.

Bija Ime fort e dashur, çdo tmerr që Unë e dëshmova ne Kopshtin e Gjetsemanit, kur Unë u sulmova, nga i ligu, po shpaloset në botë tani, drejt para Syve të Mi.

Njerëzit, kudo, e kanë humbur besimin e tyre. Ata enden në një det konfuzioni, dhe në një gjendje me fe të braktisur, të padëshmuar në botë në një shkallë kaq të madhe më përpara.

Dashuria për njëri-tjetrin ka vdekur.

Respekti për nevojat e tjetrit nuk konsiderohet më të jetë një sjellje e admirueshme.

Lakmia, epshi dhe zilia i kontrollojnë mendjet e shumë njerëzve në botë tani. Të ftohtë në zemrat e tyre, ata nuk e vlerësojnë më jetën, në vetvete, dhe nuk mendojnë asgjë rreth vrasjes. Ajo merret si e mirëqenë.

Krishtërimi po sulmohet për një arsye kryesore. Ajo është për të lejuar që ligjet, të cilat e pranojnë mëkatin, të futen me lehtësi brenda vendeve tuaja.

Fiksimi pas feve të rreme dhe idhujve të rremë është jashtë kontrollit.

Kisha Ime po rrëzohet dhe shërbëtorët e Mi të shenjtë, në pjesën më të madhe, nuk janë duke e theksuar rrezikun e mëkatit dhe të vërtetën e jetës së përjetshme.

Urrejtja, lufta, lakmia, epshet, zilia dhe dashuria për vetveten janë të gjitha të lidhura në një gjendje të rreme, një gjendje, e cila nuk ka asnjë ngjashmëri me të Vërtetën e Mësimeve të Mia.

Unë e kuptova atëherë, në Kopshtin e Gjetsemanit, se Vdekja Ime në Kryq, nuk do të ishte parë për çfarë ajo ishte, prej këtij brezi sot. Kjo ishte dhimbja, që e copëtoi Zemrën Time si një shpatë.

Sakrifica që Unë bëra për njeriun, për ta shpenguar atë në Sytë e Atit Tim, nuk është e mirënjohur sot. Sa shumë kanë harruar ata. Sa shumë gjëra nuk u janë thënë atyre. E gjithë kjo ka të bëjë me mëkatin e tolerancës, të paraqitur botës si një gjë e mirë.

Luftërat dhe urrejtja përhapen si një virus, sepse ato janë planifikuar nga i ligu. Dhimbja e ndjekësve të Mi do të bashkohet me dhimbjen Time për të dëshmuar turpet e kobshme, që do të nxirren prej gojëve të atyre udhëheqësve të Qeverive, të cilët ndjekin gënjeshtrat e futura në shpirtrat e tyre nga Satani.

Satani dhe djajtë e tij janë shumë të fuqishëm. Kurrë mos mendoni për as edhe një minutë se është e lehtë të lirohet mbërthimi që ata kanë mbi një person që i ka lejuar ata të depërtojnë në shpirtin e tij. Ata nuk do heqin dorë lehtë dhe do t’i pengojnë shpirtrat që duan të kthehen tek Unë, Jezusi i tyre, për ndihmë, duke i bërë ata të ndjehen të pashpresë.

Këta shpirtra do ta ndjejnë shumë të vështirë që të luten. Fjalët nuk do t'iu dalin nga goja. Ata do të ndjejnë një pakënaqësi të plotë ndaj të menduarit për Mua. Sado që ata të mundohen, ajo do të jetë një detyrë e vështirë.

Ata që thonë se janë njerëz të mirë, që nuk i lëndojnë të tjerët, por, që nuk më pranojnë Mua, Jezusin, në jetët e tyre, le ta dinë këtë. Ju nuk jeni një ndjekës i Krishtit. Nëse ju nuk vini tek Unë, ju nuk mund të pranoheni në Mbretërinë e Atit Tim.

Për të hyrë në Mbretërinë e Atit Tim kërkohet përgatitje. Satani mund të lëvizë aq shpejt për t’i shpërqendruar shpirtrat sa shumë vetë kapen të pavetëdijshëm.

Këto kohë të trazirave të mëdha në botë, dhe mungesa e dijenisë për Atin Tim, Hyjin Krijues të të gjitha gjërave, mund të çojnë vetëm në një gjë.

Në katastrofë. Ndëshkimet do të derdhen përmbi mbarë botën me qëllim për ta shpëtuar njerëzimin, për ta pastruar njerëzimin.

Nëse njerëzit refuzojnë të dëgjojnë, ata nuk do ta ndjejnë të Vërtetën.

E Vërteta do të shpëtojë, jo vetëm jetët e tyre në tokë, por do t'iu japë atyre Jetën e Përjetshme.

Mos-arritja për ta pranuar të Vërtetën çon në vdekje, si të trupit ashtu dhe të shpirtit.

Koha ka ardhur për njerëzimin që të bëjë një zgjidhje. Unë nuk mund t'i detyroj ata të më ndjekin Mua. Me gjithë dhuratat, hiret dhe mrekullitë që do t’iu jepen atyre, ata prapë do ta kthejnë shpinën.

Me gjithë Mëshirën Time të Madhe, disa përsëri do të zgjedhin vdekjen, përmbi jetën.

Jezusi juaj 

Virgjëra Mari: Shumë prej udhëheqësve të Kishës së Birit tim nuk thonë asgjë. Ata nuk e mbrojnë më, publikisht, Emrin e Shenjtë të Birit tim

E Martë, 2 Tetor 2012, në 15:30

Fëmija im, lëvizjet për ta fyer Emrin e Birit tim të dashur, Jezu Krishtit, po shtohen.

Nuk është mjaft ajo që ata e mohojnë Atë, shumë duan ta fyejnë imazhin e Tij në mendjet e atyre që besojnë tek Ai.

Kryqëzimi i Trupit të Birit tim, Kryqëzimi i Kishës së Tij, sa vjen e rritet.

Shumë prej udhëheqësve të Kishës së Birit tim nuk thonë asgjë. Ata nuk e mbrojnë më, publikisht, Emrin e Shenjtë të Birit tim. Atyre iu mungon guximi për ta mbrojtur Trupin e Birit tim, Kishën e Tij në tokë.

Shumë nuk duan të tërheqin vëmendje të padëshiruar për shkak të mëkateve të priftërinjve në të shkuarën. Shumë, thjesht, nuk e kanë atë besim të fortë që kërkohet për të qenë një dëshmitar i vërtetë ndaj të Vërtetës së mësimeve të Birit tim.

Sa shumë vetë në botë nuk besojnë në Ekzistencën e Birit tim dhe kjo e bën Atë të derdhë lot.

Sa shumë vetë që e dinë të Vërtetën, mendojnë se është e pranueshme të tregosh mungesë respekti duke dëgjuar blasfemitë dhe prapë qëndrojnë të heshtur.

Ju duhet, fëmijë, ta pranonin hapur të Vërtetën e Kryqëzimit të Birit tim dhe pa frikë. Njerëzit do të dëgjojnë. Ju do të dëgjoheni. Nëse çdo shërbëtor i Birit tim do të mbetej i heshtur, atëherë kush do të flasë për Birin tim?

Kush do ta përhapë Fjalën e Tij të Shenjtë në këtë kohë kur kaq shumë prej fëmijëve të Hyjit e mohojnë Ekzistencën e Hyjit?

Shumë shpejt ata nuk do të kenë asnjë justifikim. Kur ta shikojnë gjendjen e shpirtrave të tyre, atëherë ata do ta kuptojnë për herë të parë se e kanë një shpirt.

Lutuni që ata të bëhen më të fortë pas kësaj dhe që ata të bëhen ushtarë të vërtetë të Krishtit.

Nëna juaj e dashur
Nëna e Shpëtimit

https://fatherofloveandmercy.wordpress.com/2012/10/02/virgin-mary-many-of-my-sons-church-leaders-say-nothing-they-no-longer-defend-publicly-the-holy-name-of-my-son/

Friday 26 October 2012

Dashuria e Hyjit, sapo të ndjehet prej njeriut, është diçka që askush nuk mund të jetojë më pa atë

E Hënë, 1 Tetor 2012, në 16:30

Bija Ime fort e dashur, ti duhet ta pranosh se kur ndjekësit e Mi besojnë në këto Mesazhe, kjo do t’iu sjellë atyre një mundim në shpirt herë pas here.

Shumë vetë do të gëzojnë kur ta lexojnë Fjalën Time të Shenjtë dhe do e pranojnë atë si një mrekulli.

Edhe të tjerë gjithashtu do t'i pranojnë Mesazhet e Mia, por në disa ditë ata do të jenë të ndarë më dysh prej dyshimeve që do t'i pushtojnë. Këto dyshime janë të natyrshme.

Sepse disa vetë do të vënë në pyetje në vazhdimësi nëse ato me të vërtetë po vijnë prej Qiellit. Pastaj ata do të mbushen me ankth, sepse po e kuptojnë se jetët e tyre kanë për të ndryshuar dhe se Ardhja e Dytë do të dëshmohet prej tyre.

Kjo do të thotë se jetët që ata kanë bërë, deri tani, do të ndryshojnë përtej njohjes.

Kjo është frikësuese për shumë vetë, sepse ata dëshirojnë të mbeten të kapur pas jetëve të tyre të vjetra të vet-kënaqjes, sado që ishin të pakëndshme.

Frika për të ardhmen, frika ndaj Dorës së Hyjit dhe frika ndaj ushtrisë së Satanit i shqetëson ata. Megjithatë, ndërsa Mesazhet e Mia mund të shkaktojnë frikë në zemrat e tyre, herë pas here, ato sjellin gjithashtu ngushëllim.

Sepse një gjë është e sigurtë. Ata do ta ndjejnë Shpirtin Tim të Shenjtë në shpirtrat e tyre dhe sapo kjo të ndodhë ata do të familjarizohen me Dashurinë e Hyjit.

Dashuria e Hyjit, sapo të ndjehet nga njeriu, është diçka që askush nuk mund të jetojë më pa atë. Ajo sjell paqe. Prandaj, pavarësisht se sa të frikësuar ju, ndjekësit e Mi, mund të jeni, ju duhet ta mbani mënd se Unë, Jezusi juaj, kurrë nuk do t’ju braktis.

Ju jeni të Mitë.

Unë jam Jeta në shpirtrat tuaj. Përmes Meje, ju do të shpëtoni. Unë jam plot me Mëshirë për shpirtrat që kthehen tek Unë për ndihmë. Unë nuk do t'ju lë të vuani në duart e ndjekësve të Satanit. Unë do t'ju mbuloj me Gjakun Tim të Çmuar. Ju nuk keni fare pse të frikësoheni.

Përkundrazi, juve po ju jepen hiret për ta përgatitur veten tuaj. Tani ju duhet të jeni të guximshëm, mos lejoni që dyshimet ta zbehin dashurinë tuaj për Mua apo t'ju verbojnë ndaj të Vërtetës së këtyre Mesazheve.

Ato janë Dhurata Ime për ju. Ato po ju jepen që ju të jeni të mbrojtur dhe të mbajtur të sigurt nga lëndimi.

Gjithmonë më kërkoni Mua që t'jua largoj frikën sepse ato mbillen si fara pakënaqësie në mendjen tuaj, prej të ligut me qëllim që t'ju çorientojë.

Unë ju bekoj. Unë ju jap paqe. Unë ju jap Mbrojtjen Time. Kini besim tek Unë gjithmonë.

Jezusi juaj 

Sa shumë njerëz sot janë të fiksuar pas ndjekjes së famës dhe vet-lavdisë

E Shtunë, 29 Shtator 2012, në 23:00

Bija Ime fort e dashur, përse kaq shumë njerëz në botë besojnë se vdekshmëria e tyre është e papërcaktuar?

Sa shumë njerëz sot janë të fiksuar pas ndjekjes së famës dhe vet-lavdisë. Sa shumë prej atyre që kërkojnë dhe arrijnë famë dhe sukses të madh, janë të adhuruar prej atyre që besojnë se kjo është lavdia që ata duhet të arrijnë dhe që do t’i kënaqë ata.

Shumë pak prej kohës së tyre shpenzohet mbi atë që me të vërtetë ka rëndësi. Ata shkelin mbi të tjerët për të arritur atë çfarë duan për shkak të dëshirës së tyre të pangopshme për të shkëlqyer në lavdi përpara botës.

Kotësia e tyre është e ushqyer prej botës së argëtimit, medias, dhe ndjekja e tyre për përsosmëri vetjake është duartrokitur.

Për këtë përpiqen njerëzit e zakonshëm sot. Ata i admirojnë haptas të tilla ambicie dhe kjo bëhet si një besim më vete. Ata i adhurojnë ata që i arrijnë të tilla maja dhe pastaj ia nisin të imitojnë jetët e tyre.

As edhe një herë ata nuk reflektojnë se të tilla gjëra nuk kanë asnjë pasojë të vërtetë. Ata kurrë nuk ndalojnë për ta pyetur veten: “A është kjo çfarë duhet për jetën time?”

Ata nuk besojnë në Hyjin, në shumicën e rasteve, sepse po të besonin, ata do ta dinin se sa fyese është, në Sytë e Hyjit, të kërkosh adhurimin në këtë mënyrë.

Kur një person vazhdimisht kërkon vëmendje, adhurim dhe është i fiksuar me imazhin që ata ia paraqesin botës, ata nuk e kuptojnë se sa e shkurtër është kjo rrugë. Ajo do të zhduket me kohën dhe ata do ta gjejnë veten të zbrazët dhe pa aspak dashuri të mbetur për ta ndarë me të tjerët.

Ata shpenzojnë kaq shumë prej kohës së tyre duke dashur vetveten saqë nuk do të kenë aspak vend për ndonjë dashuri tjetër. Ata i vënë nevojat e veta përpara të tjerëve. Ata do të bëjnë çfarëdo lloj gjëje, përfshirë edhe kryerjen e veprave, të cilat e fyejnë Hyjin, për të arritur vet-lavdinë.

Këtij brezi i janë treguar kaq shumë gënjeshtra rreth mënyrës se si duhet t’i jetojnë jetët e tyre. Ata janë të inkurajuar nga një botë, e cila beson se përfitimi material, fama, kultura dhe një ambicie që do të sjellë admirim të madh, janë gjërat më të rëndësishme për të cilat duhet të përpiqen.

Sa pak dinë ata. Sa të tronditur do të jenë kur ata të zbulojnë se sa gabim e kishin.

Njerëzit që bëjnë jetë të tilla do të përballen me zhgënjimin kur epshet e tyre nuk do të jenë kënaqur. Çdo veprim për t’iu sjellë atyre më shumë kënaqësi, përmes ambicies pas së cilës janë vet-fiksuar, nuk do të arrijë t'iu sjellë atyre paqe.

Lutuni që së shpejti njerëzit ta kuptojnë se ndjekja e famës dhe e vet-lavdisë jep kënaqësi vetëm për një kohë të shkurtër. Ka vetëm një qëllim, për të cilin ju duhet të përpiqeni, dhe ky është që të ndiqni Mësimet e Zotit.

Kur ta bëni këtë, ju do të jeni në paqe.

Ju akoma mund të shijoni shumë nga kënaqësitë në botë, por ju do ta kuptoni se çfarë ka me të vërtetë rëndësi.

Sa shumë të rinj i japin tepër vlerë se si ata duken tek të tjerët. Presioni përmbi ata, për t’i kaluar jetët e tyre duke ndjekur të njëjtat qëllime si të atyre njerëzve të famshëm që ata i admirojnë, po e dëmton shpirtin e tyre.

Kjo po e bllokon realitetin se çfarë është kënaqshme për Hyjin.

Kjo po e bllokon të Vërtetën.

Vetëm e Vërteta do t'i bëjë ata të ndjehen të kënaqur dhe t'iu sjellë paqe, dashuri, gëzim dhe lumturi.

Unë Jam Jeta që ata kërkojnë.

Tek Unë ata do të gjejnë një jetë Lavdie.

Kjo është Lavdia që ata duhet të kërkojnë.

Sepse, ata do të jetojnë një jetë të Lavdisë së Madhe në Parajsën e Re nëse ata kthehen tek Unë.

Kjo është e vetmja lavdi, që do t'iu sjellë atyre gëzim të patregueshëm.

Jezusi juaj

https://fatherofloveandmercy.wordpress.com/2012/09/29/so-many-people-today-are-obsessed-with-the-pursuit-of-fame-and-self-glory/

Thursday 25 October 2012

Besimtarët kurrë nuk duhet të ndjehen të sigurtë me mendimin se ata e njohin të Vërtetën

E Shtunë, 29 Shtator 2012, në 19:15

Bija Ime fort e dashur, Unë duhet t'iu them të gjithë atyre që besojnë tek Unë, Jezu Krishti, që të zgjohen dhe t’i jetojnë jetët e tyre në Mua tani.

Këto Mesazhe nuk po jepen vetëm për të paralajmëruar ata që nuk besojnë në Krishtin, Shpenguesin e Njerëzimit, por ato janë gjithashtu edhe për besimtarët e Hyjit.

Besimtarët kurrë nuk duhet të ndjehen të sigurtë me mendimin se ata e njohin të Vërtetën.

Atyre prej jush që thoni se e njihni të Vërtetën e Mësimeve të Mia, ju kurrë nuk duhet të ndjeheni të vetëkënaqur. Nëse ju ndjeheni kështu, atëherë kjo mund të thotë se ju do ta neglizhoni punën që ju nevojitet për t’i shenjtëruar shpirtrat tuaj.

Besimtarët mund të jenë të paqartë rreth Mësimeve të Mia. Sa shumë vetë nuk e kuptojnë se çfarë do të thotë Ardhja Ime e Dytë.

Shumë prej ndjekësve të Mi mendojnë se kjo do të thotë se i gjithë njerëzimi do të jetë në dijeni sido që të shkojë dhe se, përmes Mëshirës Sime, ata do të shpëtohen. Oh sa do të dëshiroja që kjo të ishte e vërtetë. Sa do të ma sillte kjo Mua lehtësimin përfundimtar. Për fat të keq shumë vetë nuk do të jenë të përgatitur. Shumë vetë do të refuzojnë t’i dëgjojnë paralajmërimet dhe udhëzimet e Mia. Në këtë mënyrë ata nuk do të arrijnë të përgatiten si duhet.

Ardhja Ime e Dytë do të ndodhë. Ata besimtarë, që thonë se besojnë në të Vërtetën e përmbajtur në Biblën e Shenjtë, ta dinë këtë. Është e lehtë për ju të pranoni atë që është profetizuar në të dhe që tashmë ka ndodhur. Nuk është aq e lehtë të pranoni profecitë e së ardhmes që akoma duhet të dëshmohen nga njerëzimi.

Pranojeni gjithashtu faktin se Mesazhet Hyjnore do të dërgohen për t'ju përgatitur. Pranojeni se kjo përgatitje është duke ndodhur pikërisht tani.

Të jeni vigjilentë në çdo kohë. Mos më refuzoni Mua në këtë kohë, sepse kjo është koha e përgatitjeve.

Të jeni mirënjohës që po ju jepet kjo dhuratë e madhe.

Jezusi juaj i dashur 

Ky njeri do t’i tregojë botës se ai është Mesia dhe ai do të duartrokitet nga shumë figura të spikatura të botës

E Premte, 28 Shtator 2012, në 22:15

Bija Ime fort e dashur, ndryshimet e mëdha nëpër botë, të parathëna për të ndodhur përpara Ardhjes Sime të Dytë, janë gati për t’u shpalosur fletë për fletë.

Koha që mashtruesit, të cilët do të deklarojnë se vijnë në Emrin Tim dhe t’i paraqiten botës, është shumë afër.

Sa shumë njerëz do të mashtrohen duke u besuar këtyre profetëve të rremë, sepse ata do ta shpallin vetveten me një madhështi të madhe.

Por njëri midis tyre do të mashtrojë më shumë, sepse ai do ta paraqesë veten si mbreti, në një mënyrë të përulët, për t’i bindur njerëzit se ai është Unë, Jezu Krishti.

Ky njeri do t'i tregojë botës se ai është Mesia dhe ai do të duartrokitet nga shumë figura të spikatura të botës.

Ata do ta paraqesin atë, fillimisht, si një udhëheqës politik i jashtëzakonshëm dhe i dhembshur.

Ai do të shikohet si një paqe-bërës i talentuar ashtu si Unë ju kam treguar. Mënyrat e të vepruarit dhe dhuntitë e tij do të paraqesin një imazh të magjishëm, që do të duket sikur ka origjinë hyjnore.

Paraqitja e tij tërheqëse dhe personaliteti i tij joshës do ta tërheqë masën e njerëzve.

Ai ka për t’iu zbuluar botës së shpejti dhe shfaqja e tij do të jetë e papritur.

Ata udhëheqës, që do ta paraqesin atë si një shpëtimtar, si njeriu i cili do t’i japë fund luftës në Lindjen e Mesme, janë të respektuar në shumë pjesë të botës. Kjo është arsyeja pse ky mesia i rremë do të pranohet kaq lehtësisht.

Pas një farë kohe apelimi i tij do të përhapet. Media do të lavdërojë aftësitë e tij diplomatike dhe numri i ndjekësve të tij do të jetë i madh.

Ky është njeriu që do të thotë se ai është Mesia. Ai do t'i thotë të gjithëve se ai është Jezu Krishti, që ka ardhur përsëri për të lajmëruar ardhjen e tij të dytë.

Ai është antikrishti.

Mos u mashtroni për as edhe një moment. Unë, Jezu Krishti, erdha në trup herën e parë për të shpëtuar njerëzimin. Por dijeni këtë. Unë nuk do të vij në trup këtë herë. Unë do të vij si një hajdut natën. Unë do ta përgatis botën, përmes këtyre Mesazheve, por Unë nuk do t'jua tregoj ditën apo orën, sepse Unë nuk e di këtë. Vetëm Ati Im e di kohën.

Unë do ta lajmëroj Ardhjen Time të Dytë përpara shenjës së ardhjes Sime, e cila do të shfaqet në qiejt në mbarë botën.

Çdo njeri, që deklaron të jetë Jezu Krishti dhe që ecën në tokë si njeri, është një gënjeshtar.


Vraponi sepse ai do të sjellë mizori dhe vuajtje të paparë. Mashtrimi i tij do t'i çojë shpirtrat drejt një dashurie të rreme për Hyjin. Ai do ta përdredhë të Vërtetën. Ata që e ndjekin atë janë në rrezik të madh.

Jezusi juaj 

Wednesday 24 October 2012

Dy miliard shpirtra, që do ta refuzojnë Dorën Time të Mëshirës

E Enjte, 27 Shtator 2012, në 09:00

Bija Ime fort e dashur, Misioni për t’i shpëtuar ata dy miliard shpirtra, që do ta refuzojnë Dorën Time të Mëshirës, duhet të formojë një pjesë të lutjes ditore për të gjithë ata që e quajnë veten Kryqtarë të Hyjit.

Mrekullitë e shumta do të çojnë që shumë prej njerëzve t’iu jepet Dhurata e Shpëtimit dhe hyrja brenda Parajsës së Re.

Dhimbja në Zemrën Time të Shenjtë është e dhimbshme për shkak të këtyre shpirtrave të humbur. Kjo është edhe arsyeja se pse dishepujt e Mi duhet të luten fort, që ata të gjithë të mund të bashkohen si një familje e vetme në Epokën e Re, sepse nëse familja Ime është e pa-bashkuar, do të më sjellë Mua agoni të tmerrshme.

Unë ju bëj thirrje të gjithëve ju për t’i shpëtuar këta shpirtra, që me kokëfortësi do të refuzojnë ta pranojnë Hyjin, duke recituar këtë 

Lutje të Kryqëzatës (79) për dy miliard shpirtrat e humbur.

O Jezus i dashur, unë të lutem Ty që të hedhësh Mëshirën Tënde mbi shpirtrat e humbur.

Falua atyre refuzimin ndaj Teje dhe përdore lutjen dhe vuajtjen time që Ti, përmes Mëshirës Tënde, të vërshosh mbi ata Hiret që iu nevojiten për të shenjtëruar shpirtrat e tyre.

Unë të kërkoj Ty Dhuratën e mëshirës për shpirtrat e tyre.

Unë kërkoj që Ti t’ua hapësh zemrat, me qëllim që ata të vijnë tek Ti dhe të kërkojnë Ty t'i mbushësh me Shpirtin e Shenjtë, që të mund të pranojnë të Vërtetën e Dashurisë Tënde dhe të jetojnë me Ty dhe me gjithë familjen e Hyjit përgjithmonë. Amen.


Është e vështirë për shumë njerëz që ta pranojnë Mëshirën e Hyjit. Kjo është për shkak të pushtetit, që Satani e mban mbi ta; vetëm se ata nuk e dinë këtë, në shumë raste.

Megjithatë, në disa raste, ata nuk kanë asnjë dyshim mbi Ekzistencën e Hyjit, dhe prapë ata zgjedhin Satanin me dijen e plotë se Hyji ekziston dhe se Ai i krijoi ata. Ata ia kthejnë shpinën Mbretërisë së Hyjit.

Mbretëria që ata zgjedhin është ajo që iu është premtuar nga Satani. Ata besojnë se kjo mbretëri, në fund të kohës, ofron pasuri të madhe, çudira të mëdha dhe se ajo do të jetë një botë që shkëlqen, megjithëse nuk është ashtu. Gjithçka që ata do të gjejnë do të jetë një liqen i madh zjarri ku ata do të vuajnë nga dora e të ligut. Ai do t'i mundojë ata përjetësisht dhe ata do ta vuajnë çdo sekondë të kësaj dhimbjeje sepse ajo kurrë nuk mund të mbarojë.

Tani ju e dini pse Unë vuaj kaq agoni, sepse vetëm mendimi i vuajtjes që i pret këta shpirtra, është tepër i vështirë për t'u duruar.

Vetëm lutjet tuaja, ndjekësit e Mi, dhe Mëshira Ime mund t'iu ofrojë atyre ndonjë shpresë.

Më ndihmoni Mua t'i shpëtoj ata.

Jezusi juaj 

Tuesday 23 October 2012

Mëkati mund të falet kur ju jeni gjallë. Jo pas vdekjes

E Mërkurë, 26 Shtator 2012, në 22:12

Bija Ime fort e dashur, Unë ta lejoj ty këtë vuajtje fizike intensive për të shpëtuar më shumë shpirtra sot. Ofroje këtë dhimbje për ata shpirtra të zgjedhur që ti duhet të më ndihmosh Mua t'i shpëtoj. Kjo dhimbje nuk do të zgjasë shumë, por kur ti të lehtësohesh, ta dish se shumë shpirtra u shpëtuan nga flakët e Ferrit dhe janë tani në Purgator duke pritur pastrimin.

Si një shpirt viktimë ti duhet ta pranosh se Unë mund të lejoj ty momente vuajtjeje për të ndihmuar në shpëtimin e shpirtrave të fëmijëve të Hyjit. Një ditë, ti do t'i takosh këta shpirtra dhe atëherë do ta kuptosh se sa shumë gëzim i sjell kjo Atit Tim. Dije se kur ti vuan, Unë vuaj me ty për të lehtësuar dhimbjen tënde. Ti nuk je vetëm. Kur ti e ndjen se nuk mund të marrësh frymë, kjo është e njëjta ndjesi e mbytjes e ndjerë nga shpirtrat që, pas vdekjes, përballen me tymin e flakëve të Ferrit.

Ah sikur njerëzit ta dinin të Vërtetën e jetës pas vdekjes. Pasi shpirti e lë trupin, nëse është në gjëndjen e Hirit apo jo, Satani e torturon përmes fuqisë së joshjes. Ai përpiqet, edhe atëherë, që të tërheqë shpirtra drejt tij. Lutja për këta shpirtra është shumë e rëndësishme.

Unë i tërheq shpirtrat drejt Dritës Sime. Por vetëm ata që janë në Gjendje Hiri mund ta durojnë Fuqinë e Dritës së Mëshirës Sime. Nëse ata nuk janë të pastër në shpirt, atëherë ata duhet të pastrohen në Purgator.

Gjenden shumë nivele në Purgator, bija Ime dhe, në varësi të mëkateve të kryera prej shpirtit, ato do të mbushen me Zjarrin pastrues të Shpirtit të Shenjtë.

Purgatori është i dhimbshëm për shpirtin dhe ata që duhet të kalojnë kohën atje e ndjejnë atë si një dhimbje fizike sikur të ishin akoma gjallë.

Asnjë njeri të mos i nënvlerësojë sakrificat që nevojiten për t'i ruajtur shpirtrat e tyre në një gjendje të denjë për Mbretërinë e Atit Tim.

Ati Im i do të gjithë fëmijët e Tij por shpirtrat duhet ta fitojnë të drejtën për të qenë të denjë të hyjnë në Mbretërinë e Atit Tim. Për t’u bërë të denjë ata duhet ta shpengojnë veten në Sytë e Mi ndërsa janë akoma gjallë. Ata duhet të bëjnë shpërblesë për mëkatet e tyre me një zemër të sinqertë.

Madje edhe në momentin e vdekjes, një mëkatar mund të përfitojë nga Mëshira Ime e Madhe duke më kërkuar Mua që t'ia fal mëkatet e tij. Unë do ta rrëmbej atë dhe do ta marr në Krahët e Mi. Pastaj Unë do të derdh Mëshirën Time mbi të, dhe më pas do ta marr për dore drejt Portave të Parajsës.

Mëkati mund të falet kur ju jeni gjallë. Jo pas vdekjes.

Jezusi juaj 

Sunday 21 October 2012

Virgjëra Mari: Ndryshime të mëdha do të fillojnë në botë shumë shpejt

E Mërkurë, 26 Shtator 2012, në 16:40

Fëmija im, ndryshime të mëdha do të fillojnë në botë shumë shpejt.

Kjo është koha që plani i Shpëtimit të paraqitet nëpër të gjitha kombet në zemrat e njerëzve. Sa shumë njerëz do të tronditen me të Vërtetën se nga vijnë dhe se si duhet ta shëlbojnë vetveten në Sytë e Hyjit.

Sa të papërgatitur janë fëmijët e Hyjit për këto ngjarje të mëdha. Është për arsye të Dashurisë së Hyjit, për të gjithë fëmijët e Tij, që ju po paralajmëroheni.

Nëse i shpërfillni këto shenja paralajmëruese, do të jetë në dëmin tuaj. Qeshni apo i tallni këto Ndërhyrje Hyjnore, që do të ndodhin për t'i futur zemrat e njerëzve në Zemrën e Hyjit, dhe ju do të vuani.

Fëmijë ju duhet të jeni në gatishmëri gjatë gjithë kohës. Shenjat nga Qielli dhe mrekullia e Ndërhyrjes Hyjnore po afrohen dita ditës.

Lutuni që t'ju jepen Hiret për ta hapur zemrën tuaj ndaj Mëshirës së Madhe të Birit tim të dashur, Jezu Krishtit.

Të gjitha rrugët po hapen për t’i tërhequr fëmijët e Hyjit në strehën e Zemrës së Tij të Shenjtë.

Nëna juaj e dashur
Nëna e Shpëtimit

https://fatherofloveandmercy.wordpress.com/2012/09/26/virgin-mary-great-changes-will-commence-in-the-world-very-soon/

Ka vetëm tre mënyra për ta mbrojtur veten tuaj nga i ligu

E Martë, 25 Shtator 2012, në 12:50

Bija Ime fort e dashur, ti kurrë nuk duhet të bëhesh e vet-kënaqur dhe të ndjesh se kjo punë, kur të duket se po shkon mirë, për një çast do t'i shpëtojë fshikullimit të të ligut. Ai është i tërbuar. Ai kapet pas çdo detyre që ti ndërmer, krijon probleme dhe pengesa, të cilat të lënë të shqetësuar dhe pa shpresë.

Shumë njerëz janë të verbër ndaj fshikullimit që ai shkakton mbi njerëzimin. Meqenëse ata nuk mund ta shikojnë atë, ata nuk besojnë se ai ekziston. Ata që ia hapin udhën atij, përmes mëkatit, dhe e pranojnë atë brenda shpirtrave të tyre, do ta kenë të pamundur ta çlirojnë veten nga lëndimi i tmerrshëm dhe pakënaqësia që ai do të sjellë në jetët e tyre. Ka vetëm tre mënyra për ta mbrojtur veten tuaj nga i ligu.

E para është, Sakramenti i Rrëfimit që e pastron shpirtin tuaj, nëse jeni me të vërtetë të penduar. Për jo-Katolikët, ju lutem pranojeni Dhuratën e Indulgjencës Plenare (Falja e plotë) në Lutjen e Kryqëzatës (24), që i është dhënë botës përmes këtij Misioni.

Mënyra e dytë është përmes devotshmërisë së përditshme ndaj Nënës Sime, të cilës i është dhënë fuqia për ta shtypur Satanin. Rruzarja e saj e Shenjtë është një mburojë e rëndësishme, e cila do t'ju mbulojë ju dhe familjen tuaj larg prej syrit të të ligut.

E fundit është përmes Gjendjes së Hirit, të cilën ju mund ta arrini përmes kungimit të rregullt me Mua duke Më marrë Mua në Eukaristinë e Shenjtë.

Sa shumë njerëz që dëshirojnë të shpëtojnë nga kthetrat e Satanit, dhe që në zemrat e tyre e dinë se janë të zhytur në një spirale ligësie, duhet të kthehen tek Unë dhe të më kërkojnë Mua që t'i ndihmoj ata përmes kësaj 

Lutjeje të Kryqëzatës (78) të veçantë 

Më shpëto nga i Ligu

O Jezus, më mbro nga fuqia e Satanit. 
Më merr në Zemrën Tënde 
ndërsa e shkëpus gjithë besnikërinë time 
ndaj tij dhe udhëve të tij të liga. 
Unë e dorëzoj vullnetin tim dhe 
vij para Teje në gjunjë 
me një zemër të përulët dhe të penduar. 
Unë e lë jetën time në Krahët e Tu të Shenjtë. 
Më shpëto nga i ligu. 
Më çliro dhe më merr në strehën e sigurt 
të mbrojtjes Tënde tani 
dhe përgjithmonë.

Cilido njeri që e urren një tjetër, për shkak të fesë së tyre, nuk e do me të vërtetë Hyjin

E Hënë, 24 Shtator 2012, në 15:55

Bija Ime fort e dashur, cilido njeri që e urren një tjetër, për shkak të fesë së tyre nuk e do me të vërtetë Hyjin.

Sa e neveritshme është për Mua ta dëshmoj hipokrizinë prej atyre që deklarojnë se janë ndjekës të devotshëm të Hyjit. Këta njerëz kërcënojnë që t’i vrasin ata që nuk bien dakord me ata si dhe vrasin ata që i fyejnë zotat e tyre.

Është mëkat të urresh një tjetër. Është mëkat mortor kur ju vrisni një tjetër apo përpiqeni të plagosni për vdekje dikë tjetër në emër të fesë.

A nuk e dini se, nëse ju jeni të shpejtë për ta dënuar një tjetër me vdekje për shkak se ai e fyen Hyjin, se ju nuk jeni duke ndjekur Ligjet e Hyjit?

Unë iu bëj thirrje të gjitha feve dhe besimeve që thonë se besojnë në Hyjin. Nëse ju besoni në Hyjin, atëherë ju duhet të tregoni dashuri ndaj të tjerëve, madje edhe kur ata ju mundojnë apo ju fyejnë.

Shumë udhë ju çojnë tek Ati Im po ka vetëm një Hyj. Hyji i Vërtetë është Krijuesi i botës dhe ju mund të pranoheni në Mbretërinë e Tij vetëm kur ju e doni fqinjin tuaj dhe kjo përfshin edhe armiqtë tuaj.

Është shumë e lehtë të urresh një tjetër sepse shpirtrat djallëzor po i infektojnë dhe i torturojnë fëmijët e Hyjit çdo sekondë. Sa gëzohet i ligu kur një njeri fetar, që e shpall hapur se e do Hyjin, nxit urrejtjen dhe nuk mendon dy herë për të vrarë ata që ai beson se janë armiqtë e tij.

Asnjë njeri nuk do t'i shpëtojë ndëshkimit nëse ai vret një tjetër. Asnjë njeri nuk do të pranohet në Parajsën e Re nëse ai vret një tjetër në Emër të Atit Tim.

Mund të jetë e vështirë dhe mund t'ju lëndojë kur një njeri e fyen besimin tuaj, por ju duhet të luteni për atë dhe ju kurrë nuk duhet ta harroni Urdhërimin “Mos vrit”.

Urdhërimet e Atit Tim janë shumë të thjeshta. Ato janë të qarta. Ato nuk kanë nevojë për t’u përkufizuar, por mjerë ai njeri që i thyen Ligjet e Atit Tim.

Jezusi juaj 

Saturday 20 October 2012

Përgatituni për të dëshmuar shenjat që së shpejti do të zbulohen nga Qielli

E Diel, 23 Shtator 2012, në 20:00

Bija Ime fort e dashur, është me dashuri që Unë iu kërkoj të gjithë fëmijëve të Hyjit që të përgatiten për të dëshmuar shenjat që së shpejti do të zbulohen nga Qielli.

Shenjat do t'i paraqiten botës në mënyra të ndryshme, me qëllim që t'i zgjojnë fëmijët e Hyjit. Shumë vetë do të përpiqen t'i mohojnë këto shenja dhe t'i heqin ato nga mendja sikur të ishin supersticion dhe në imagjinatën e besimtarëve.

Ju që do t'i dëshmoni shenjat, duhet ta dini se ato do t'ju ndihmojnë t’i përgatisni shpirtrat tuaj. Sepse kur ju ta keni ushqyer shpirtin dhe të keni kërkuar falje për mëkatet tuaja, vuajtja juaj, pas Paralajmërimit, do të jetë minimale.

Pranojini këto shenja, këto mrekulli, si një Dhuratë nga Qielli.

Mos i luftoni ato dhe as mos i shpërfillini, sepse ato janë provë e Premtimit Tim për t'ju përgatitur të gjithëve ju përpara Ardhjes Sime të Dytë.

Shkoni tani dhe kini besim.

Besimi është vepra më e rëndësishme e besnikërisë për Mua, Jezusin tuaj.

Besoni tek Unë dhe gjithçka do të jetë mirë. 

Jezusi juaj

Sa shumë njerëz po e kërkojnë të Vërtetën dhe nuk arrijnë ta gjejnë atë

E Diel, 23 Shtator 2012, në 09:00

Bija Ime fort e dashur, vjen një kohë kur njeriu duhet ta pyesë veten – kush jam unë dhe përse unë jetoj?

Përgjigjja e vetme, që i sjell atij paqe, është kur ai e kupton se ai është një fëmijë i Hyjit. Në vend që ta mohojë të Vërtetën, për shkak të presioneve të ushtruara prej atyre që qeshin me ata që besojnë në Hyjin, ai duhet të jetë i ndershëm me vetveten.

Ai e di se dashuria që ndjen vjen prej Hyjit.

Ai e di, në zemrën e tij, se mjerimi që ai ndjen kur gjendet në errësirë dhe dëshpërim vjen nga ana tjetër. Ana e errët.

Sa shumë njerëz po e kërkojnë të Vërtetën dhe nuk arrijnë ta gjejnë atë.

Edhe pse e Vërteta është e shënuar në Librin e Shenjtë, shumë vetë nuk arrijnë ta pranojnë se Shkrimi i Shenjtë i përmban të gjitha përgjigjet që ata kërkojnë.

Ju duhet ta përqafoni të Vërtetën dhe të mbështeteni tek ajo përjetë, sepse ajo është udha drejt shpëtimit.

Shumë njerëz do të bëjnë çdo gjë që është e mundur për ta mohuar të Vërtetën. Kryesisht ata do të përdorin inteligjencën njerëzore për ta copëtuar të Vërtetën dhe për t'ju bërë të besoni një gënjeshtër.

Çdo argument do të përdoret për të mohuar të Vërtetën e Hyjit. Kaq bindëse do të jenë këto argumente sa shumë besimtarë do ta kenë të vështirë që ta mbrojnë të Vërtetën.

Nënshtrohuni,
pra Hyjit.
Kundërshtoni djallit,
dhe do të largohet
prej jush.
- Jakobit 4:7
Besimi juaj do t'i qëndrojë provës së kohës por vetëm nëse ju do më lejoni Mua që t'ju drejtoj ditë e natë.

Me qëllim që Unë t'ju drejtoj, ju kurrë nuk duhet t'i largoni sytë nga Unë dhe të mbështeteni tek Unë për ndihmë.

Flisni me Mua. Komunikoni me Mua në çdo kohë të ditës, në makinë, në punë, në shkollë apo në kishën tuaj. Nuk ka rëndësi se ku jeni, sepse ju mund të më thërrisni Mua në çdo moment dhe Unë do t'ju përgjigjem.

Kjo udhë, rruga drejt Kalvarit është ajo që u përket ndjekësve të Mi. Ajo është një kodër shumë e vështirë për t’u ngjitur. Ju duhet të duroni pengesat dhe dhimbjen e refuzimit prej atyre që nuk duan ta pranojnë të drejtën tuaj për ta praktikuar fenë tuaj. Maja e kodrës duhet të jetë pikësynimi juaj. Vetëm kur të arrini majën, ju do të gjeni paqe.

Këmbëngulni, ndjekësit e Mi të dashur dhe Dashuria Ime do të ndjehet prej jush në një mënyrë të tillë që do t'ju japë një forcë që ju nuk do ta besonit të ishte e mundur.

Unë ju dua. Unë eci me ju. Unë kurrë nuk do t'ju lë. Unë ju bekoj të gjithëve.

Jezusi juaj 

Profetët e rremë janë gati tani dhe do të hidhen mbi këtë mision

E Shtunë, 22 Shtator 2012, në 15:30

Bija Ime fort e dashur, Unë duhet të paralajmëroj ty për profetët e rremë që përpiqen të ndërhyjnë në këtë mision.

Shumë shpirtra të gjorë të mashtruar, që besojnë se po marrin mesazhe hyjnore, janë duke u çuar në përhumbje nga i ligu.

Ai e bën këtë duke sulmuar mbi dashurinë e tyre për Mua dhe vë në shënjestër, veçanërisht, shpirtra të shenjtë të devotshëm.

Çdo person që ju thotë së ka një mesazh nga Qielli, i cili ju udhëzon për të ndryshuar ose modifikuar një mesazh nga Unë është një gënjeshtar.

Kjo nuk është mënyra në të cilën Unë i autorizoj komunikimet nga Qielli. Të vetmet mesazhe që Unë i lejoj për t’u komunikuar nga një vizionar tek një tjetër janë ato të përkrahjes dhe të dashurisë, por vetëm kur kjo është e nevojshme.

Mesazhet e marra nga profetët e vërtetë apo shpirtrat e zgjedhur janë ose të vërteta, ose të rreme.

Nuk ka rrugë të mesme. Qielli kurrë nuk do të dërgonte një mesazh për të kundërshtuar një tjetër mesazh i marrë prej një shpirti të zgjedhur nga Qielli.

Kujdes nga profetët e rremë. Ata që nuk e kuptojnë se janë të rremë mund të shkaktojnë dëm të tmerrshëm kur ata ndërhyjnë në Fjalën Time të Shenjtë. Ti, bija Ime, nuk duhet të angazhohesh me ata që thonë se vijnë në Emrin Tim, vetëm përndryshe nëse Unë të udhëzoj.

Profetët e rremë janë gati tani dhe do të hidhen mbi këtë mision. Ju nuk duhet të angazhoheni me ata.

Të jeni vigjilentë ndaj këtyre rreziqeve, sepse më i rrezikshmi i të gjithëve do të jetë njeriu i cili do vijë dhe do të deklarojë të jemë Unë.

Nëse e lejoni veten, dishepujt e Mi, për t’u tërhequr drejt profetëve të rremë, ju do të bëheni një pre e lehtë për antikrishtin dhe profetin e tij të rremë.

Kini besim në Fjalën Time të Shenjtë. Shumë prej jush nuk munden, akoma, ta pranojnë të Vërtetën dhe ju do të debatoni me Mua, por nuk do të ketë asnjë vlerë. Sepse kritika më e madhe që ju keni ndaj Meje, është se Unë i dua të gjithë fëmijët e Hyjit, sidomos mëkatarët.

Unë i dua njësoj të gjithë. Ata prej jush që më akuzojnë Mua për favorizim të mëkatarëve, le ta dinë këtë.

Kurrë mos u përpiqni t'i ngatërroni të tjerët duke thënë se Jezusi e pranon mëkatin.

Ju e dini se kjo është një gënjeshtër. Unë e urrej mëkatin, por e dua mëkatarin.

Jezusi juaj 

Nëna e Hyjit: Ka qenë parathënë, fëmija im, se në këto kohë që ju jetoni tani, zemrat e njerëzve do të ngurtësohen

E Premte, 21 Shtator 2012, në 15:05

Fëmija im, sa i shpejtë është njerëzimi për të adhuruar mbretër të rremë, zota të rremë.

Shumë njerëz në botë sot nuk mendojnë gjë tjetër veçse të zgjedhin idhuj të rremë dhe më pas nuk ndjejnë asnjë faj në zemrat e tyre kur refuzojnë Hyjin e vetëm të vërtetë.

Ka qenë parathënë, fëmija im, se në këto kohë që ju jetoni tani, zemrat e njerëzve do të ngurtësohen.

Ata do të refuzojnë madje dhe familjet e tyre për të ndjekur kënaqësitë.

Ata do t’i refuzojnë ata në varfëri dhe ata që vuajnë urie ndërsa ata praktikojnë çdo lloj vet-interesi dhe të kryejnë mëkatin e grykësisë.

Këto ditë janë mbi ju fëmijë. Ndërsa raca njerëzore endet e pashpresë, e çorientuar, ku asgjë nuk i kënaq, ata do të kapen pas çdo gjëje që ata besojnë se do t'ua mbushë boshllëkun. Ky boshllëk ekziston sepse ata nuk ndjekin të Vërtetën apo të tregojnë besnikëri ndaj Birit tim të dashur.

Jo vetëm që ata adhurojnë zota të rremë, por ata tregojnë besnikëri ndaj atyre shpirtrave të gjorë që e reklamojnë mëkatin sikur të ishte pa asnjë pasojë.

Pastaj, kur atyre iu paraqiten gënjeshtra rreth Birit tim në botën e sotshme, ata janë të shpejtë për t'i pranuar të tilla të pavërteta.

Është bërë e pranueshme që ta vësh në lojë Birin tim e megjithatë, kur doktrinat e tjera që nuk e përmbajnë të Vërtetën, kritikohen njerëzit struken nga frika. Ata nuk e kanë frikë Birin tim.

Ata nuk i tremben Hyjit të vetëm të Vërtetë sepse ata nuk e duan Atë. Zemrat e tyre janë të mbyllura.

Ata vazhdojnë të ndjekin një udhë që nuk iu sjell atyre asnjë ngushëllim. Në të kundërt, kjo udhë i lë ata të pakënaqur dhe të zbrazët.

Sa Unë lotoj kur e shikoj çoroditjen e tyre. Sa Unë lotoj për Birin tim të cilin ata e lëndojnë kaq shumë me përbuzjen e tyre. Ai që vuajti kaq shumë për ata dhe që vdiq në mënyrën më të dhimbshme. Prapë ata nuk e kuptojnë akoma domethënien e Vdekjes së Tij në Kryq.

Vetëm kur një person e pranon Jezusin, Krishtin, Mesinë e Vërtetë, atëherë ai do të gjejë paqe.

Së shpejti Biri im do t'iu paraqesë atyre provën që ata kërkojnë. Kur t'iu jetë treguar e vërteta, atyre do iu duhet që të bëjnë zgjedhjen përfundimtare.

Ata ose do të zgjedhin Birin tim dhe të Vërtetën, ose do të pranojnë gënjeshtrat e ushqyera atyre nga mashtruesi.

Lutuni fëmijë që zemrat të hapen dhe që dashuria e Birit tim t’i mundësojë të gjithë fëmijët e Hyjit ta pranojnë Dorën e Tij të Mëshirës.

Nëna juaj e dashur
Nëna e Shpëtimit 

Friday 19 October 2012

Hyji Atë: Koha e Birit Tim është duke u ndërthurur me kohën tuaj, fëmijë, dhe së shpejti të gjitha do të bëhen një

E Enjte, 20 Shtator 2012, në 18:25

Bija Ime më e dashur sa dëshiroj t'i mbaj fëmijët e Mi të dashur pranë Meje që të mund t'iu tregoj atyre se sa shumë janë të dashur.


Sa shumë fëmijë ka që janë të Mitë, të shpërndarë nëpër botë, dhe prapë sa pak e njohin Atin e tyre. Krijuesin e tyre.

Për ata që nuk më njohin Mua atyre duhet t'iu tregohet se Unë nuk do t'i braktis ata.

Unë do të ngrihem kundër forcave djallëzore dhe mbretit të gënjeshtrave, bishës, dhe do ta zhduk nga ekzistenca këtë fshikullim të tmerrshëm.

Vetëm kur shkallët e ligësisë të jenë hequr, atëherë fëmijët e Mi do mund ta shikojnë të Vërtetën.

Fëmijë mos u shqetësoni se lutjet tuaja po e prekin Zemrën Time dhe përmes kërkesave tuaja, Unë do të shpëtoj shumë nga fëmijët e Mi që janë në errësirë.

Misioni Im për ta dërguar Birin Tim të Dashur, që të deklarojë Mbretërinë Time, është i mirë vendosur tani, edhe pse shumë vetë mund të mos jenë të vetëdijshëm për këtë.

Koha e Birit Tim është duke u ndërthurur me kohën tuaj, fëmijë, dhe së shpejti të gjitha do të bëhen një.

Koha për Parajsën e Re është vendosur dhe gjithçka është përgatitur për shtëpinë e re të fëmijëve të Mi, botën e re.

Unë ju bëj thirrje nga Qielli për t'ju nxitur që të besoni në Birin Tim, në Mëshirën e Tij të madhe dhe në premtimin e Tij për ta përmbushur këtë besëlidhje.

Dorëzojini të gjitha dyshimet që mund t'ju kenë mbetur, sepse ato po ju bllokojnë që ta kërkoni paqen e vërtetë.

Ato i bllokojnë Hiret e Mia që Unë dëshiroj t’i derdh mbi ju për t'ju mbrojtur nga periudha e fundit e mbetur kur Satani e kontrollon tokën. Koha e tij është gati në përfundim. Pastaj fillimi i ri do të përparojë.

Unë e pres, me dashuri, kthimin e fëmijëve të Mi brenda Mbretërisë Sime, Mbretërisë së Parajsës së Re. Ajo është ashtu si ishte parashikuar për të qenë.

Unë ju dua. Kini besim tek Biri Im dhe priteni Thirrjen Time.

Ati juaj
Hyji Më i Larti