Kerko Mesazhet ketu

Monday 31 December 2012

Kurrë mos kini frikë nga Unë, sepse Unë vij në paqe

E Shtunë, 29 Dhjetor 2012, në 19:36

Bija Ime fort e dashur, përsëri, Unë ju them të gjithë juve, dishepujt e Mi të dashur, që të mos keni frikë. Ndërsa ngjarjet që do të vijnë mund të jenë shqetësuese për t'u dëshmuar prej jush, kujtojini këto, Fjalët e Mia të Shenjta, që po ju jepen tani.

Dashuria Ime për njerëzimin është kaq e madhe saqë Unë fal me lehtësi, çdo mëkat, pavarësisht se sa fyes mund të jetë, kur pendesa e vërtetë tregohet nga mëkatari. Kurrë mos u trembni nga Unë, nëse ju me të vërtetë më doni Mua, sepse Unë ju mbroj në çdo kohë. Po, ju do të vuani në Emrin Tim, kur ju të ecni pas Meje. Por kjo është diçka, të cilën ju duhet ta pranoni. Është një çmim kaq i vogël për t’u paguar për Lavdinë, e cila ju pret përpara.

Megjithatë, ata që ecin para Meje me besimin e gabuar se ata nuk kanë nevojë për Praninë e Hyjit në jetën e tyre, duhet të kenë frikë. Këta mëkatarë, që kurrë nuk do të tregojnë pendesë, sepse ata besojnë se janë në kontroll të fatit të tyre, do të bien në humnerë. Ky kurth i ngritur për ta nga i ligu, mund të përngjasohet me një orë që rreh. Për çdo minutë që ata vazhdojnë të më braktisin Mua, koha e tyre shkurtohet. Koha e tyre për ta shëlbuar veten në Sytë e Mi, është e shkurtër.

Dijeni se dy ushtritë për betejën e shpirtrave tani janë vënë në radhë për t’u përgatitur për luftë. Koha po ecën prandaj ju lutem të jeni të përgatitur në çdo kohë.

Kurrë mos kini frikë nga Unë, sepse Unë vij në paqe. Sidoqoftë, kijani frikën bishës, që do të duket sikur vjen në paqe, por që vjen për t'ju shkatërruar. Ai, i ligu, dhe ndjekësit e tij në tokë janë ata që ju duhet t’ia keni frikën. Jo Mua.

Jezusi juaj

https://fatherofloveandmercy.wordpress.com/2012/12/29/never-fear-me-for-i-come-in-peace/

Sunday 30 December 2012

Njohuritë shumë shpesh mund t’ju verbojnë ndaj të Vërtetës

E Premte, 28 Dhjetor 2012, në 06:05

Bija Ime fort e dashur, është vetëm kur zemra jote është me të vërtetë e hapur ndaj Meje, që ti mund të përjetosh Dritën Time dhe të njohësh të Vërtetën.

Shumë vetë thonë se e kanë kërkuar Dhuratën e dijes dhe se i janë lutur Shpirtit të Shenjtë për ta marrë atë. Megjithatë, jo të gjithëve që e kërkojnë, do t'iu jepet kuptimi që iu duhet për ta marrë këtë Dhuratë të çmuar. Dhe prapë ata do të thonë se e kanë marrë. Pastaj ata më fyejnë Mua duke deklaruar se Fjala Ime e Shenjtë i vë ata në siklet. Ata pohojnë se shqetësimet e tyre do të thonë se Mesazhet e Mia të Shenjta po vijnë nga shpirti i lig.

Për ju që me krenari e shpallni interpretimin tuaj të shtrembëruar të Fjalës Sime të Shenjtë, të dhënë njerëzimit përmes këtyre Mesazheve, të jetë i rremë, Unë kam këtë për t'ju thënë.

Kur erdhët herën e fundit para Meje të zhveshur? Pa mburojën e krenarisë t'ju mbronte? Kur erdhët para Meje, në gjunjë, duke më thirrur Mua që me të vërtetë t'ju drejtoj, pa i vënë më parë duart ndër veshë duke refuzuar që të dëgjoni? A nuk e dini se Unë do t'ju ndriçoj me Dhuratën e dijes, vetëm kur ju të vini para Meje pa ndonjë pikëpamje të para-menduar tuajën? Ju nuk mund të çliroheni nga zinxhirët e krenarisë intelektuale, e cila ju verbon ndaj të vërtetës së njohurisë shpirtërore, derisa t’ju zhvishet e gjithë krenaria njerëzore.

Për ata midis jush që kalojnë vite duke studiuar Shkrimin e Shenjtë, dhe që e konsiderojnë veten të mirë-përgatitur – dhe kështu më të denjë për ta përcaktuar fjalën Time – ju duhet të mendoheni përsëri.

Njohuria e Librit të Atit Tim nuk ju kualifikon juve më tepër se sa një lypës në rrugë, pa asnjë lloj edukimi mbi çështjet shpirtërore. Njohuria shumë shpesh mund t'ju verbojë ndaj të Vërtetës. Njohuria e bazuar në interpretimin tuaj njerëzor të Librit të Atit Tim nuk do të thotë asgjë, kur vjen puna për ta kuptuar Fjalën e Hyjit.

Ju që mburreni për metodat tuaja të ditura duke ndjekur Shkrimin e Shenjtë të Hyjit, dhe pastaj e përdorni këtë për ta mohuar Fjalën Time që i jepet sot botës, jeni fajtorë për mëkat. Mëkati juaj është mëkati i krenarisë. Ju më fyeni Mua sepse krenaria juaj vlen më shumë për ju sesa dashuria për Mua, në formën e saj më të thjeshtë.

Dashuria për Mua, Jezusin tuaj, vjen nga zemra. Shpirtrat e denjë për Mbretërinë Time e njohin Zërin Tim shpejt. Shpirtrat që e kundërshtojnë Fjalën Time dhe që i inkurajojnë të tjerët për të më refuzuar Mua haptas, janë të influencuar nga shpirti i lig. Ju më shkaktoni Mua neveri. Zërat tuaj të ligj, ku ju bërtisni dhe me krenari deklaroni denjësinë tuaj, të bazuar në njohjen tuaj të Shkrimit të Shenjtë, do të heshten.

Durimi Im kurrë nuk mbaron, por për ju që qëndroni para Meje dhe e dëmtoni Planin Tim të Shpëtimit, qëllimisht dhe me vetëdije, ju do të flakeni në shkretëtirë sa hap e mbyll sytë.

Jezusi juaj

https://fatherofloveandmercy.wordpress.com/2012/12/28/knowledge-can-very-often-blind-you-to-the-truth/

Saturday 29 December 2012

Hyji Atë: Së shpejti, një Dritë e re, një diell i ri, do të duket

E Enjte, 27 Dhjetor 2012, në 18:20

Bija Ime më e dashur, ky është një Mesazh i shprese të madhe për gjithë fëmijët e Mi.

Koha për ndryshimet, ashtu si është parathënë, kur toka do të kthehet; planetet do të ndryshojnë dhe klima nuk do të jetë më e parashikueshme, është përmbi ju.

Fuqia Ime e Madhe është tani duke u manifestuar në Qiell, ashtu si dhe mbi tokë, ndërsa Unë e udhëheq betejën kundër armiqve të Mi. Satani dhe djajtë e tij janë duke u mundur, por ata kanë vendosur një mbrojtje të tmerrshme. Bashkë me ta, ata i tërheqin fëmijët e Mi të gjorë, zemrat e të cilëve janë të mbushura me ambicie politike dhe materialiste, në kryerjen e një roli, ndërsa po përpiqen t’i kryqëzojnë fëmijët e Mi.

Njeriu është i dobët. Njeriu joshet lehtë. Për shkak të verbërisë së tij ndaj të Vërtetës, të dhënë nga Unë, që nga fillimi i Krijimit, njeriu beson në gënjeshtra. Ai i beson gënjeshtrat të vjella nga i ligu, sepse ai është i tërhequr prej premtimeve të pushtetit dhe kënaqësisë.

Fëmijët e Mi duhet ta njohin Dritën e lavdishme dhe të shkëlqyeshme të Mbretërisë Sime. Ti, bija Ime, e ke parë këtë Dritë dhe ti e di se sa e fuqishme është ajo. Ti e njeh Fuqinë e Hyjit, dhe se si të mbështjell ty. A mund ta imagjinosh se si do të jetë kur Parajsa Ime e Re të zbulohet? Ti, bija Ime, ke parë vetëm një pjesë të vogël të kësaj Drite të lavdishme dhe vezulluese.

Është e rëndësishme ta mirëprisni Dritën e Birit Tim në zemrat tuaja. Kur ju ta ftoni Atë që t'ju shpëtojë, dhe t'ju marrë në Zemrën e Tij të Shenjtë, ju do ta ndjeni këtë Dritë.

Drita e Agimit të Ri – Epoka e Re – me ngadalë, por me siguri të plotë do ta ndriçoj botën. Së shpejti, një Dritë e re, një diell i ri, do të duket. Do të jetë më i madh dhe do të jetë shkaku i shumë mrekullive.

Kjo është një Shenjë e Fuqisë dhe Madhështisë Sime. Do të jetë një mrekulli dhe do të vërtetojë se njeriu nuk e kupton plotësisht sekretin e Krijimit.

Vetëm Unë, Hyji Krijuesi i Universit, komandoj gjithçka që është. Gjithçka që do të jetë. Gjithçka që mund të jetë. Asnjë njeri, asnjë shkencëtar, nuk mund t'i zgjidhë këto sekrete tejet të shenjta, sepse njeriu nuk mund t’i kuptojë në këtë kohë.

Mrekullitë e Krijimit Tim, dhe forca e Pushtetit Tim, do t'i tregohen botës. Asnjë njeri të mos bëjë gabim të besojë se Satani dhe ndjekësit e tij të ligj, kanë ndonjë pushtet për t'ju sjellë mrekullitë që Unë i kam Krijuar për secilën nga krijesat. Unë kam premtuar se do ta zbuloj të Vërtetën në mënyrë që ju, fëmijët e Mi, të mund t’i hiqni rrjetat që ju kan
ë mbuluar sytë.

Kur të vijë Dita që e Vërteta të pranohet plotësisht nga ju, Unë do t'ju dhuroj pasuritë më të shkëlqyera, hiret dhe një jetë që ju kurrë nuk mund ta merrnit me mend, sepse ajo është përtej imagjinatës suaj.

Unë jam i lumtur t'jua jap këtë Mesazh shprese sot. Unë shpresoj që ai t’ju sjellë shumë lumturi dhe paqe.

Premtimi Im, për t'ju sjellë në trashëgiminë tuaj përfundimtare, ka për t’u bërë një realitet, së shpejti.

Ati juaj i Dashur 

Friday 28 December 2012

Do të ketë një përmbytje të madhe. Ju gjithashtu do të dëshmoni përmbytje më të vogla nëpër vende të tjera

E Martë, 25 Dhjetor 2012, në 19:20

Bija Ime fort e dashur, Plani Im i Shpëtimit për botën, filloi në Kohën Time, më 22 Dhjetor 2012.

Kjo kohë në botë është e Imja, ndërsa Unë i mbledh të gjithë fëmijët e Hyjit t
ë bashkuar si një, ndërsa beteja e madhe fillon.

Kjo periudhë e Mundimit të Madh do të zgjasë për disa kohë. Luftërat do të përshkallëzohen derisa lufta e madhe të deklarohet dhe bota do të ndryshojë.

Të gjitha kombet do t'i dëshmojnë ndryshimet. Ju duhet të jeni të përgatitur për këto dhe t'i pranoni, sepse të gjitha këto gjëra duhet të ndodhin përpara Ardhjes Sime të Dytë.

Do të ketë një përmbytje të madhe. Ju do të dëshmoni përmbytje më të vogla nëpër vende të tjera.

Klimat do të fillojë të gjitha të ndryshojnë dhe moti juaj do të jetë ndryshe, në një mënyrë, që mund të duket e çuditshme për ju.

Kjo është një kohë për të gjithë ata të cilët i kanë hapur sytë ndaj të Vërtetës, që të planifikojnë udhën për Mua, në mënyrë që Unë të mund t'i mirëpres të gjithë në Krahët e Mi të Shenjtë.

Mos kini frikë, sepse Dashuria Ime do të zbusë shumë dhe lutjet tuaja munden, dhe do të dobësojnë shumë prej këtyre gjërave, po ashtu si dhe, ligësitë e planifikuara prej bishës.

Jezusi juaj

https://fatherofloveandmercy.wordpress.com/2012/12/25/there-will-be-a-great-deluge-you-will-also-witness-smaller-floods-across-all-countries/

Virgjëra Mari: Dita kur unë i solla botës Shpëtimtarin, e ndryshoi fatin e njerëzimit

E Hënë, 24 Dhjetor 2012, në 18:00

Fëmija im, dita kur unë i solla botës Shpëtimtarin, e ndryshoi fatin e njerëzimit.

Këtë fëmijë të vogël unë e desha me një pasion si çdo nënë tjetër. Por ishte edhe një hir i veçantë që m’u dha mua nga Ati Im. Ky ishte hiri i mbrojtjes. Unë e mbrojta Birin tim, që nga fillimi, në një mënyrë që ishte e ndryshme. Unë e dija se Ai ishte Mesia i premtuar dhe prandaj mua më ishte dhënë një përgjegjësi shumë e veçantë, megjithëse unë nuk e kisha idenë se sa rëndësi kjo përgjegjësi do të kërkonte.

Herët në fillim, nuk m’u dha të kuptoja se Biri im, Shpëtimtari, i dërguar prej Hyjit për ta shpëtuar racën njerëzore nga flakët e Ferrit, do të vritej. Kjo pjesë e misionit tim erdhi si një tronditje e tmerrshme dhe dhimbja ime nuk mund të përshkruhet, kaq intensive ishte.

Unë vuajta përmes Birit tim, në Të dhe me Të. Madje dhe sot, unë e ndjej dhimbjen dhe trishtimin e Tij për mosbesimin ndaj Ekzistencës së Birit tim në botën sot. Si Nëna e Shpëtimit, përgjegjësia ime është që ta ndihmoj Birin tim në planin e Tij për të shpëtuar shpirtrat.

Kjo është koha e përmbytjes; këtë herë për ndryshim të shpejt dhe të papritur. Ndërsa luftërat do të shpërthejnë, dhe një luftë e madhe të dalë në pah nga pluhuri i hirit, Plani i Hyjit do të shtohet në ritmin e tij për ta zgjuar Praninë e Tij midis të gjitha kombeve dhe të gjitha racave.

Fëmija im, unë të lutem që të lusësh Rruzaren më të Shenjtë ndërsa unë derdh lot sot. Lotët e mi, që ti sapo i ke parë janë për ata shpirtra që nuk do ta njohin Birin tim. Janë ata të Krishterë, të cilët thonë se e pranojnë Jezu Krishtin, si Shpëtimtar, dhe që e fyejnë Atë duke mos iu lutur Atij, që e trishtojnë Atë më së shumti.

Përhapja e ateizmit është si një epidemi e frikshme që e përfshin tokën. Hyji nuk është harruar, në të kundërt, Ekzistenca e Tij po shpërfillet qëllimisht. Ligjet e Tij janë hequr nga vendet tuaja. Kishat e Tij nuk nderohen. Shërbëtorët e Tij janë tepër të ndrojtur dhe jo mjaft të guximshëm për ta shpallur Fjalën e Tij të Shenjtë.

Toka tani do të ndryshojë edhe fizikisht edhe në shpirt. Pastrimi ka filluar. Beteja do të zhvillohet mes atyre që ndjekin të ligun dhe Kishës së Mbetur të Hyjit.

Ata që janë besnikë ndaj Birit tim duhet që gjithmonë të më thërresin mua, Nënën tuaj të dashur të Shpëtimit, që unë të mund t'ju kushtoj tek Biri im i dashur, për t'ju dhënë hiret aq shumë të nevojshme. Ju duhet të përgatiteni si një ushtar i Jezu Krishtit. Armatura juaj duhet të bëhet më e fortë, sepse roli juaj është si një kryqtar dhe ju do të duhet të marshoni kundër shumë mizorive dhe padrejtësive.

Shkoni në paqe fëmijë dhe qëndroni në lutje të përditshme ndërsa ndryshimet fillojnë, në mënyrë që shpëtimi i njerëzimit të mund të arrihet.

Gjithçka do të bëhet sipas Vullnetit të Shenjtë të Atit Tim, përmes Birit të Tij të vetëm, Jezu Krishtit. Juve, fëmijëve të mi, që e kërkoni ndihmën time, do t'ju jepet mbrojtje e madhe për kombet tuaja.

Nëna juaj e dashur
Nëna e Shpëtimit

https://fatherofloveandmercy.wordpress.com/2012/12/24/virgin-mary-the-day-i-brought-the-world-a-saviour-it-changed-the-destiny-of-humanity/

Thursday 27 December 2012

Njësia e familjes, dhe shkatërrimi i saj, do të jenë në rrënjë të çdo gjëje

E Diel, 23 Dhjetor 2012, në 15:30

Bija Ime fort e dashur, shumë prej atyre shërbëtorëve të Mi të shenjtë, kanë për t’u përballur me një sfidë të tmerrshme. Kjo do të jetë ajo që do t'i bindi ata për të marrë njërën prej dy udhëve të ndara. Do të varet nga secili prej tyre, sipas vullnetit të tyre të lirë, se cilën udhë ata duhet të zgjedhin. Sepse paturpësia do të bëhet e njohur së shpejti.

Shumë prej shërbëtorëve të Mi të shenjtë nuk do të jenë menjëherë të vetëdijshëm se çfarë po ndodh. Do të jetë vetëm kur ata të lexojnë letra, të dhëna nga ata në vendet e larta, që ata do të gjejnë vështirësi.

Ata që i përmbahen Fjalën Sime të Shenjtë, që i është dhënë njerëzimit përmes Dhuratës së Biblës së Shenjtë, do të sfidohen dhe do të nxiten që të pranojnë ndryshime. Këto ndryshime do t'iu jepen atyre dhe do të pritet prej tyre që t'i përtypin ato, dhe t'i pranojnë ato si e Vërteta. Ato përmblidhen në një gjë. Ato do t’i nxisin ata shërbëtorë të Mi të Shenjtë që të pranojnë tolerancën e mëkatit.

Atyre do t'iu thuhet se Hyji është një Hyj përherë i mëshirshëm dhe se Ai e do gjithsecilin. Kjo pjesë është e vërtetë. Por pastaj, ata do të udhëzohen për t'i pranuar dhe lejuar ligjet, të cilat janë një paturpësi në Sytë e Mi. Njësia e familjes, dhe shkatërrimi i saj, do të jenë në rrënjë të çdo gjëje.

Të tjerëve do t’iu kërkohet që të pranojnë një lloj të ri ceremonie, e cila do ta zëvendësojë Meshën dhe Praninë e Eukaristisë Sime të Shenjtë.

Kjo do të konsiderohet si një lëvizje gjithë-përfshirëse për t’i bashkuar të gjithë të Krishterët dhe fetë e tjera në një. Ky do të jetë fillimi i mbarimit.

Dita kur Sakrificat ditore të Meshës të ndërpriten, do të jetë fillimi që të gjitha ngjarjet të shpalosen, ashtu siç i ishte parathënë Gjoni Ungjilltarit. Kjo do të jetë koha e ngritjes së bishës dhe ndikimi i tij do të jetë i madh. Ai do t’i fitojë zemrat dhe shpirtrat e shumë priftërinjve. Qëllimi i tij është që t’i ndalojë të gjitha Meshat dhe ta përdhosë Eukaristinë e Shenjtë.

Ai tashmë e bën këtë përmes meshave të zeza, të mbajtura në shumë Kisha Katolike. Bërthama e shërbëtorëve të pabesë po intrigon kundër Kishës Sime dhe ata do të çojnë shumë vetë në udhë të gabuar.

Jini vigjilentë. Hapini sytë dhe më kërkoni Mua për forcën që do t'ju duhet, për të qëndruar në këmbë kundër këtij plani të turpshëm dhe të lig.

Kjo betejë brenda Kishës Sime në tokë do të jetë e ashpër. Prifti kundër priftit. Peshkopi kundër Peshkopit. Kardinali kundër Kardinalit.

Lë të dihet për ata në mesin tuaj, shërbëtorë të Mi të shenjtë, që më njihni dhe më doni Mua, se Unë do t'ju udhëheq. Unë do t'ju drejtoj. Unë do t'ju jap forcën për t’u përballur me armiqtë e Hyjit. Ju nuk jeni vetëm.

Ju kurrë nuk duhet t’i dëgjoni gënjeshtrat, të dhëna apo të paraqitura tek ju, në Emrin Tim Të Shenjtë. Vetëm ju e njihni të Vërtetën në zemrat tuaja. Dëgjojeni zemrën tuaj. Qëndroni besnikë ndaj gjithçka që ju është thënë se është Ligji i Hyjit.

Nëse ju paraqitet ndonjë gjë, që duket se është në kundërshtim me Mësimet e Mia, atëherë ju duhet t'i ktheni shpinën.

Jezusi juaj

https://fatherofloveandmercy.wordpress.com/2012/12/23/the-family-unit-and-the-destruction-of-it-will-be-at-the-root-of-everything/

Tuesday 25 December 2012

Unë ju vërshoj me këtë Bekim të Veçantë sot

E Shtunë, 22 Dhjetor 2012, në 20:36

Bija Ime fort e dashur, Dita e Krishtlindjes është Dhurata Ime për njerëzimin. Është për shkak të kësaj dite që jeta e përjetshme u bë e mundur për njerëzit e vdekshëm.

Unë, Jezu Krishti, Shpëtimtari i Botës, i mirëpres të gjithë ju, fëmijët e Hyjit, në Mbretërinë që më është premtuar Mua nga Ati Im.

Unë erdha në botë i panjohur por veçse nga pak njerëz. Lindja Ime e ndryshoi të ardhmen. Premtimi Im ishte pranuar prej ndjekësve të Mi. Ata e dinin se Unë do të vija përsëri, por nuk e kishin idenë se kur. Ata i dëgjuan Mësimet e Mia, edhe pse shumë prej tyre nuk ishin njerëz të mësuar. Ata ishin të varfër dhe bënin jetë të thjeshta. Prapë, ata ishin që më mirëpritën Mua.

E njëjta do të jetë e vërtetë tani kur Unë ju përgatis për Ardhjen Time të Dytë. Do të jenë ata shpirtra me një dashuri të thjeshtë për Mua që do t'i hapin zemrat e tyre ndaj Thirrjes Sime. Dhe do të jenë ata midis jush, të përulët në zemër dhe të pastër në shpirt, që do të bëhen dishepujt e Mi të sotshëm. Do të jetë përmes jush, ashtu sikurse ishte kur Unë eca në tokë, që Fjala Ime do të dëgjohet dhe besohet.

Unë ju vërshoj me këtë Bekim të Veçantë sot. Unë dëshiroj që ju ta pranoni Bekimin Tim të Mbrojtjes përmes kësaj, Lutjeje të Kryqëzatës për të më mirëpritur Mua, Mesinë, ndërsa Unë do ta zbuloj Mbretërinë Time të Re.

Lutja e Kryqëzatës (90) Falënderime për Ardhjen Tënde Më të Lavdishme të Dytë

O Jezusi im, unë të ofroj Ty lavdërime dhe falënderime për Ardhjen Tënde Më të Lavdishme të Dytë.

Ti, Shpëtimtari im, erdhe në jetë për të më dhuruar Jetën e Përjetshme dhe për të më çliruar nga mëkati. Unë të ofroj Ty dashurinë time, falënderimet dhe adhurimin tim, ndërsa e përgatis shpirtin për Ardhjen Tënde të Madhe. Amen.

Shkoni tani dhe përgatituni. Sepse kohët janë të shkurtra dhe shumë duhet të bëhet për të shpëtuar çdo shpirt. Unë ju sjell Paqe, Dashuri dhe Gëzim në këtë ditë të veçantë.

Jezusi juaj 

Fjala Ime do të jetë si një shpatë, e cila do të presë përmes konfuzionit dhe gënjeshtrave

E Premte, 21 Dhjetor 2012, në 22:50

Bija Ime fort e dashur, koha që Mësimet e Mia dhe Mesazhet e Mia të Shenjta të përhapen në çdo skaj të botës, është tani.

Unë do të bëj të sigurt që Libri i së Vërtetës, i premtuar botës, të jetë gati në çdo komb dhe në çdo gjuhë.

Dishepujt e Mi dhe Shërbëtorët e Mi të Shenjtë do të predikojnë nga të katër anët e tokës.

Miliarda vetë do ta ndjekin Fjalën Time dhe shumë, më në fund, do të lexojnë Ungjillin e Shenjtë.

Libri i Atit Tim, Bibla e Shenjtë, do të rivizitohet dhe Fjala Ime do të lexohet përsëri.

Tani, Mesazhet e Mia sot, të përmbajtura në Librin e së Vërtetës do të jenë ushqimi, i cili do t'i jepet fëmijëve të Hyjit atëherë kur do të quhet e paligjshme të lexohet Fjala e Shenjtë e Hyjit në të ardhmen.

Ju, dishepujt e Mi, duhet t’i ktheni në besim ata që nuk më njohin Mua. Nëse ata nuk e dinë se Kush Jam Unë, ata nuk mund të përgatiten ashtu si duhet për Mbretërinë Time të Re.

Fjala Ime do të jetë si një shpatë, e cila do të presë përmes rrëmujës dhe gënjeshtrave. Ajo do t’i prekë mendjet, zemrat dhe shpirtrat e të gjithëve.

Disa do të marrin pak kohë për ta përtypur Fjalën Time, por pjesa më e madhe e popullsisë botërore do ta pranojë të Vërtetën, kur ajo t'iu jetë dhënë.

Ju lutem të luteni për kurajon, forcën dhe vullnetin për të bërë atë që Unë kërkoj prej jush. Kujtojini ata se Unë dhashë jetën për ta. Tregoji atyre se koha që Unë të vij përsëri është afër. Ngushëllojini ata duke i treguar atyre Dhuratën e madhe të Parajsës së Re që Unë kam për të zbuluar.

Tregojini atyre se Unë Jam duke ardhur për t'i shpëtuar ata dhe për t'i dhënë fund vuajtjeve të tyre.

Jezusi juaj 

Dashuria Ime për njerëzim ndjehet nga shumë vetë. Për fat të keq, ata që nuk e kërkojnë, nuk do ta gjejnë atë

E Premte, 21 Dhjetor 2012, në 22:20

Bija Ime fort e dashur, të më doni Mua është e thjeshtë. Nuk është e nevojshme të jeni të ditur në Shkrimin e Shenjtë. Ajo që duhet të bëni është kjo.

Më thërrisni Mua, madje dhe kur jeni në dyshim mbi Ekzistencën Time. Unë do t'ju mbush me Praninë Time papritmas. Ju do të ndjeni një Dashuri si kurrë ndonjëherë më parë. Dha pastaj ju do ta dini të Vërtetën.

Unë Jam i vërtetë. Unë Jam atje dhe Unë e dua secilin prej jush. Dashuria e vërtetë e shpon zemrën tuaj me një emocion të fuqishëm të bashkimit. Kjo është një dhuratë e dyanshme. Ju do të më doni Mua dhe ju do të mrekulloheni se si kjo mund të ndodhë?

Dashuria Ime për njerëzimin ndjehet nga shumë vetë. Për fat të keq, ata që nuk e kërkojnë, nuk do ta gjejnë atë. Ata që akoma e gjejnë veten duke u endur të larguar nga Unë, gjithçka që ju duhet të bëni është të më thërrisni Mua, që Unë ta ndriçoj shpirtin tuaj.

Lindja Ime lajmëroi provën e Dashurisë së Atit Tim për racën njerëzore. Ai më dërgoi Mua, Shpëtimtarin tuaj, për shkak të Dashurisë së Tij për ju.

Dashuria nuk është diçka që ju duhet ta shpërfillni, sepse ajo është Dhurata më e madhe nga Hyji. Ajo e tejkalon çdo ndjenjë tjetër dhe mund të mposhtë ligësinë nëse ju vetëm do ta përqafonit atë.

Shpirti Im i Dashurisë, Mbrojtja Ime ju mbulon në këtë kohë të veçantë. Ju jeni të Mitë. Unë Jam në zemrën tuaj. Gjithçka që ju duhet të bëni është të lejoni Dashurinë Time që t'ju mbushë, sepse kur ju ta bëni do të ndjeni paqe të vërtetë.

Unë ju bekoj të gjithëve ju.

Jezusi juaj

https://fatherofloveandmercy.wordpress.com/2012/12/21/my-love-for-humanity-is-felt-by-many-sadly-those-who-do-not-look-for-it-will-not-find-it/

Sunday 23 December 2012

Hyji Atë: Koha për ndryshim të madh, për të mirën e të gjithëve, është përmbi ju

E Enjte, 20 Dhjetor 2012, në 19:15

Bija Ime më e dashur, Unë iu bëj thirrje të gjithë fëmijëve të Mi ta mbështesin Emrin e Birit Tim të vetëm, Jezu Krishtit, dhe t'i tregojnë Atij nderin që i është akorduar Atij mes njerëzimit.

Engjëjt e Mi në Mbretërinë Time të Shenjtë, kumbojnë dhe gëzojnë për shkak të Mëshirës, e cila do t'iu dhurohet të gjithëve, përmes Birit Tim.

Kjo Dhuratë e madhe Hyjnore do të përdoret për ta mposhtur errësirën, që ka mbuluar botën. Do të jetë përmes Ndërhyrjes Sime Hyjnore që Unë do të jem në gjendje të shpëtoj pjesën më të madhe të fëmijëve të Mi.

Kjo Krishtlindje, një kohë e gëzimit të madh ndërsa ju festoni lindjen e Shpëtimtarit që Unë i dhashë botës, është një pikë kthese në historinë e racës njerëzore.

Si Ati juaj, Unë ju bekoj të gjithëve dhe e jap, me një dhembshuri të thellë, këtë Dhuratë të madhe të Mëshirës. Unë ju mbledh ju, të gjithë Krijimin Tim, me qëllim që t'ju pastroj nga çdo dyshim, çdo mëkat dhe çdo blasfemi kundër Ligjeve të Mbretërisë Sime.

Ky pastrim i madh i tokës do të marrë njëfarë kohe, por Unë do t'i nxitoj këto kohë të persekutimit.

Vuajtjet tuaja, prej duarve të qeverive të korruptuara, që nuk i pranojnë Ligjet e Mia, do të jenë të vështira por nuk do të zgjasin tepër gjatë.

Unë do t'i jap gjithë armiqve të Mi kohë për t'i hapur sytë ndaj të Vërtetës së Parajsës së lavdishme që Unë kam pritur për t'ia zbuluar botës.

Gëzoni. Lavdërojeni Birin Tim, sepse është për shkak të Tij, që Unë e prezantoj Parajsën e Re ku Mbretëria, e premtuar Atij nga Unë, do të zhvillohet.

Koha për ndryshim të madh, për të mirën e të gjithëve, është përmbi ju.

Fuqia Ime do të tregohet me të gjithë forcën dhe lavdinë e saj që bota ta dëshmojë.

Unë Jam Fillimi. Unë Jam Mbarimi. Mbretëria Ime e Re, Parajsa e Re, do ta zëvendësojë më në fund të vjetrën. Toka ishte e njollosur prej mëkatit të Adamit dhe të Evës.

Krijimi i përkryer i njeriut ishte shkatërruar kur mëkati i solli fundin Dhuratës së pavdekësisë. Së shpejti Unë do të ndryshoj gjithçka që ishte shkatërruar nga ndotja e shkaktuar prej Satanit dhe djajve të tij. Ata nuk do të jenë më zotërinjtë e tundimit.

Unë tani do ta dërgoj Birin Tim për të deklaruar Fronin, që ishte krijuar për Të.

Beteja për këtë Fron është e ashpër, por Fuqia Ime triumfon dhe çdo mrekulli do të përdoret për ta sjellë Familjen Time të sigurtë në Zemrën Hyjnore dhe të Shenjtë të Birit Tim.

Ju, fëmijët e Mi, jeni të humbur dhe në dhimbje. Tani Unë e dërgoj Birin Tim për të filluar procesin për t’ju marrë në shtëpinë që ju takon.

Unë ju dua, fëmijët e Mi tejet të dashur. Unë kurrë nuk ju kam braktisur, megjithatë ju mund të faleni nëse e keni besuar këtë.

Ju tani jeni duke u thirrur. Asnjë njeri nuk do të përjashtohet nga ky lajmërim nga Qielli.

Lutuni, fëmijë, që të gjithë t’i përgjigjen Mëshirës së Birit Tim.

Ati juaj i dashur
Hyji Më i Larti

https://fatherofloveandmercy.wordpress.com/2012/12/20/god-the-father-the-time-for-great-change-for-the-good-of-all-is-upon-you/

Unë vdiqa për ju. Për këtë arsye ju duhet të keni besim tek Unë tani

E Mërkurë, 19 Dhjetor 2012, në 21:00

Bija Ime fort e dashur, Unë duhet të të paralajmëroj se kritika do të shtohet kundër teje dhe Fjalës Sime, që po të jepet në këtë kohë.

Ti nuk duhet të lejosh që shpërqendrimet apo dyshimet të të ndalojnë së përhapuri çdo Fjalë të vetme që Unë të jap. Njeriu nuk duhet t'i vërë në dyshim profecitë e dhëna që nga ditët e Moisiut. As edhe një profeci nuk përmban gënjeshtra.

Tani ndërsa Unë i zbuloj botës sekretet dhe planet e Mia për njerëzimin, që deri tani nuk janë treguar, mos u largoni tutje. Sepse Unë ju tregoj tani shumë gjëra që akoma kanë për të ndodhur, për të cilat ju, dishepujt e Mi, duhet të jeni të informuar, që të mos dështoni për t’u përgatitur për Kthimin Tim të Lavdishëm

Asnjë njeri të mos ia mohojë vetvetes dhuratën që Unë sjell të jetës së përjetshme. Ata mes jush, që kanë fatin për të hyrë në Epokën e Re kur Qielli dhe Toka të bëhen një, duhet të ndjekin Udhën e së Vërtetës.

Tani është koha që besimi juaj tek Unë, Shpëtimtari juaj, të sfidohet me të vërtetë dhe të testohet. Së shpejti ju do të detyroheni t'i refuzoni Mesazhet e Mia. Çdo përpjekje do të bëhet për t'ju detyruar që ta refuzoni Fjalën Time dhe që ta deklaroni të Vërtetën të jetë herezi.

Kthejini mendjet tuaja tani tek Lindja Ime. Tek Mësimet që Unë i dhashë njerëzimit, që ata të mund të mësonin se si t’i përgatisnin shpirtrat e tyre. Tek Sakrifica e bërë me Vdekjen Time në Kryq për të shpëtuar shpirtrat.

Unë vdiqa për ju. Për këtë arsye ju duhet të keni besim tek Unë tani.

Unë Jam Drita, që ndriçon mbi udhën ku ju duhet të ecni. Në çdo anë të kësaj udhe, shpirtrat e ligj do t'ju tërheqin, do t’ju torturojnë, dhe do të përpiqen për t'ju bërë të ecni mbrapsht nga e njëjta udhë që erdhët dhe drejt errësirës. Ata do ta bëjnë këtë përmes ngacmimeve të të tjerëve që do t'ju torturojnë për shkak të besnikërisë suaj ndaj këtyre Mesazheve.

Ju duhet të qëndroni në meditim të heshtur, të lexoni Fjalën Time dhe të ndjeni Praninë Time. Lejoni Shpirtin Tim të Shenjtë t'ju qetësoj zemrën dhe ndjeni Dashurinë Time t'ju mbështjellë. Ndërsa dhimbja juaj intensifikohet, për shkak të këtij Misioni, dijeni se ju jeni në bashkim të plotë me Mua, Jezusin tuaj.

Kurrë mos u dorëzoni. Mos e refuzoni Dorën Time të Mëshirës. Më lejoni Mua t'ju përqafoj për t'ju dhënë kurajon që ju duhet për të vazhduar në këtë udhëtim me Mua deri në ditën që Unë të vij për t'ju shpërblyer.

Jezusi juaj i dashur

https://fatherofloveandmercy.wordpress.com/2012/12/19/i-died-for-you-because-of-this-you-must-trust-me-now/

Friday 21 December 2012

Satani do të jetë i lidhur gjatë Mbretërimit Tim dhe nuk do t’i mashtrojë më fëmijët e Hyjit

E Mërkurë, 19 Dhjetor 2012, në 12:30

Bija Ime fort e dashur, bota duhet ta dijë se Epoka e Paqes do të jetë kulmimi i Premtimit Tim, ku Unë do të Mbretëroj përmbi Qiellin e Ri dhe Tokën e Re. Ky do të jetë një Mbretërim Shpirtëror dhe Kisha Ime, Jerusalemi i Ri, do të jetë në paqe dhe Fjala Ime do të dëgjohet midis gjithë kombeve.

Satani do të jetë i lidhur gjatë Mbretërimit Tim dhe nuk do t’i mashtrojë më fëmijët e Hyjit. Kjo Mbretëri, nuk do të jetë simbolike, por do të jetë aty ku Pema e Jetës do të fryjë Dashuri dhe Paqe në mënyrë që të gjithë ata që janë të bekuar për ta shijuar Parajsën Time të Re, të mos e vuajnë vdekjen, madje edhe kur Satani do të jetë liruar, edhe pse për një kohë të shkurtër, në fund të kësaj periudhe.

Plani Im është sipas Vullnetit të Atit Tim dhe asnjë njeri nuk ka të drejtë ta mohojë Vullnetin e Hyjit.

Mos bëni asnjë gabim, ju duhet ta pranoni Fjalën e Hyjit që përmbahet në Librin e Atit Tim, sepse nëse nuk e bëni, ju do të mashtroheni në lidhje me profecitë e dhëna njerëzimit që nga fillimi i kohës.

Ndiqni vetëm Udhën Time. Pranoni Premtimet e Mia. Mos dyshoni mbi Mua, sepse ju do të më fyeni Mua. Ju, ose më pranoni Mua si Shpëtimtarin tuaj dhe keni besim tek Unë plotësisht, ose nuk më pranoni fare.

Fjala Ime është e Vërteta. E Vërteta, kur të pranohet nga çdo shpirt i gjallë, do të jetë çelësi drejt lirisë dhe drejt Portave të Parajsës Sime të Re.

Jezusi juaj

https://fatherofloveandmercy.wordpress.com/2012/12/19/satan-will-be-bound-during-my-reign-and-will-no-longer-deceive-gods-children-2/

Flakët e Mia të Mëshirës, si Gjuhë të Zjarrta, do të zbresin mbi çdo shpirt së shpejti

E Martë, 18 Dhjetor 2012, në 19:30

Bija Ime fort e dashur, është koha për secilin nga ndjekësit e Mi që ta kuptojë se Mëshira Ime duhet të pranohet pa frikë.

Unë nuk po vij për t’i lënduar apo gjykuar fëmijët e Hyjit gjatë Paralajmërimit. Unë vij vetëm për t’i përgatitur ata duke ua zbuluar të vërtetën në zemrat e tyre.

Vetëm duke besuar në Dashurinë dhe Hyjninë Time ju mund të ndjeni gëzim dhe paqe të vërtetë. Nëse e lejoni frikën t'jua mbërthejë zemrën, ju nuk do të jeni në gjendje që ta pranoni Dhuratën Time. Gëzohuni, sepse Unë ju dua të gjithëve ju.

Koha për të festuar Lindjen Time është e rëndësishme, meqenëse gjithmonë e më pak kombe e tolerojnë Emrin Tim. Kur ju festoni Lindjen Time, ju pranoni vetë shpëtimin tuaj.

Unë ju kam dhënë juve Dhuratën e Lirisë. Tani ndajeni të Vërtetën me të tjerët pa frikë në zemrat tuaja.

Kur të vijë koha për të gjithë botën që ta dëshmojë ngjarjen publike të Ardhjes Sime të Dytë, ju do të pendoheni që nuk e keni përhapur Fjalën Time tek shpirtrat e humbur.

Ju lutem t'i përgatisni zemrat dhe shpirtrat tuaj që ato të mund të pastrohen në pritje të Premtimit Tim për të ardhur përsëri.

Përdoreni këtë kohë në lutje. Kalojeni kohën me familjen dhe ata që janë pranë jush. Ndihmojini ata që janë të trazuar në trup dhe në shpirt.

Flakët e Mia të Mëshirës, si Gjuhë të Zjarrta, do të zbresin mbi çdo shpirt së shpejti. Ju nuk duhet të ndaloni nga frika apo të shqetësoheni. Gjithçka që Unë kërkoj është që ju të jeni të përgatitur në çdo kohë.

Jezusi juaj

https://fatherofloveandmercy.wordpress.com/2012/12/18/my-flames-of-mercy-like-tongues-of-fire-will-descend-on-every-soul-soon/

Virgjëra Mari: Të gjithë ata që e promovojnë abortin dhe që janë përgjegjës për futjen e tij, janë fajtorë për mëkat mortor

E Martë, 18 Dhjetor 2012, në 18:45

Fëmija im i dashur, Krijimi më i shenjtë i Atit Tim të dashur, jeta e atyre foshnjave në bark, ka për t’u shkatërruar një milion herë më shumë në mbarë botën.

I ligu i ka influencuar qeveritë në të gjitha pjesët e botës për të bërë të sigurt që aborti jo vetëm të pranohet, por edhe të shikohet si një gjë e mirë.

Sa shumë lotë tani po derdhen në Qiell! Të gjithë engjëjt dhe shenjtërit ulin kokat e tyre me trishtim.

Fëmijët e Hyjit do të shkatërrohen në numër të madh ndërsa koha për Mundimin e Madh fillon. Luftërat, uria, vrasjet dhe vetëvrasjet do të shtohen. Megjithatë, është mëkati i abortit ai që e shkakton Zemërimin e Atit Tim më shumë se pothuajse çdo mëkat tjetër.

Vendet që e pranojnë dhe e lejojnë abortin do të vuajnë shumë prej Dorës së Hyjit. Vendet e tyre do të qajnë kur ndëshkimi i tyre të jetë dëshmuar. Të gjithë ata që janë përgjegjës për futjen e një vepre kaq të ligë do të kenë nevojë për shumë lutje.

Fëmija im, është e rëndësishme që gjithsecili ta recitojë Rruzaren Time të Shenjtë çdo të Premte deri në javën e fundit në Janar 2013 për të ndaluar përhapjen e abortit.

Çdo fëmijë i vrarë në bark bëhet një engjëll në Mbretërinë e Atit Tim. Ata luten, çdo ditë, për çdo nënë që ndërhyri me dijeni dhe pa hezitim për t’i dhënë fund jetës së fëmijës brenda saj. Lutjet e tyre janë duke u përdorur për të shpëtuar shpirtrat e Nënave të tyre.

Të gjithë ata që e promovojnë abortin dhe që janë përgjegjës për futjen e tij, janë fajtorë për mëkat mortor.

Lutuni, lutuni, lutuni për këta mëkatarë, sepse ata janë në nevojë të madhe për Mëshirën e Hyjit.

Nëna juaj e dashur
Nëna e Shpëtimit

https://fatherofloveandmercy.wordpress.com/2012/12/18/virgin-mary-all-those-who-promote-abortion-and-who-are-responsible-for-it-being-introduced-are-guilty-of-mortal-sin/

Fuqia e vdekjes përmbi njerëzimin do të mposhtet përfundimisht

E Hënë, 17 Dhjetor 2012, në 12:15

Bija Ime fort e dashur, dita që Unë të vij për të deklaruar Trashëgiminë Time, që më është premtuar Mua nga Ati Im, do të jetë e papritur.

Ndërsa Unë e përgatis të gjithë njerëzimin për këtë ngjarje të madhe, ajo ditë do të vijë papritmas. Koha që bisha të hidhet në greminë është afër, dhe pastaj dymbëdhjetë kombet do të gëzojnë në paqe dhe bashkësi.

Gjatë kësaj kohe shenjtërit në Qiell, dhe të gjithë ata që vdiqën në Favorin Tim, do të ngrihen me të drejtët që do t'i mbijetojnë Mundimit të madh. Të gjithë do të ringjallen dhe do t'iu jepet Dhurata e trupit të përkryer, që do ta mposhtë vdekjen e njohur nga njerëzimi që nga mëkati i Adamit. Ata do të gëzojnë paqe dhe prosperitet nën Mbretërimin Tim Shpirtëror deri kur Mbretëria Ime t'i dorëzohet Atit Tim.

Kjo do të jetë ringjallja e parë dhe do të pasohet nga një mbretërim 1000 vjeçar me harmoni të përkryer sipas Vullnetit Hyjnor të Atit Tim.

Gjatë kësaj kohe, mëkatarët që më mohuan Mua do të vuajnë. Ringjallja e Dytë nuk është e njohur për njerëzimin, as edhe detajet nuk i janë zbuluar ndonjërit përveç profetëve Daniel dhe Gjon Ungjilltarit.

Këto sekrete do të zbulohen, në kohën e vet, sepse ato nuk janë për t'u ditur prej jush tani.

Fuqia e Hyjit do të shfaqet kur beteja për të shpëtuar shpirtrat do të arrijë sukses. Fuqia e vdekjes përmbi njerëzimin do të mposhtet përfundimisht. Ky është Premtimi Im. Unë do t'i përmbush profecitë e caktuara nga Ati Im.

Ata mes jush që janë të çorientuar, të mos kenë frikë. Gjithçka është tani në Duart e Mia të Shenjta, por të jeni të sigurt se gjithçka që ka rëndësi është falja e mëkatit. Kjo do të jetë kur të gjithë ju të më kërkoni Mua Dhuratën e Shëlbimit. Kaq e thjeshtë është.

Dashuria juaj për Mua do të japë Dhuratën e Jetës. Vdekja, ashtu si ju e njihni atë, nuk do të ketë më asnjë kontroll apo mbërthim ndaj jush. E ardhmja juaj është diçka për t’u mirëpritur me gëzim në zemrat tuaja, sepse është Dhurata më e madhe e Hyjit dhe vetëm ata shpirtra që e meritojnë do ta marrin një pasuri të tillë. Qëndroni në paqe. Kini besim tek Unë. M
ë doni Mua. Kjo është gjithçka që ka rëndësi.

Jezusi juaj

https://fatherofloveandmercy.wordpress.com/2012/12/17/the-power-of-death-over-humanity-will-be-defeated-finally/

Wednesday 19 December 2012

Unë sjell shpresë. Unë sjell Mëshirë. Unë sjell shpëtim

E Diel, 16 Dhjetor 2012, në 23:20

Bija Ime fort e dashur, është e rëndësishme që dishepujt e Mi të mos shkaktojnë frikë në zemrat e miqve dhe familjeve të tyre për shkak të Mesazheve të Mia për ju në këtë kohë.

Unë vij tek ju të gjithë në këtë kohë që të flas me ju nga Qielli për t’ju përgatitur. Unë e bëj këtë me dashuri dhe gëzim në Zemrën Time.

Unë vij për t’i ndihmuar ata që besojnë tek Unë që të jenë gati për të më pranuar Mua në gjendjen e hirit që nevojitet për të mbretëruar me Mua në Mbretërinë Time.

Unë gjithashtu vij për t'iu bërë thirrje atyre që nuk mund ta kuptojnë kuptimin e Krijimit të Hyjit, sidomos atyre shpirtrave që e përdorin arsyen njerëzore për të përcaktuar çdo gjë në jetën e tyre. Ata besojnë vetëm në ato gjëra që ata mund t'i shohin apo t’i prekin. Të njëjtët shpirtra do të pranojnë gënjeshtra prej atyre që ata besojnë se duhen respektuar në shoqëritë dhe vendet e tyre. Sa lehtësisht janë gënjyer ata nga gënjeshtrat e njeriut dhe sa të dobët janë ata sa e refuzojnë të Vërtetën e Krijimit të tyre.

Detyra Ime është që t'ju ndihmoj të gjithë ju. Jo që t'ju kërcënoj, por t'ju sjell më pranë Meje që të merrni ngushëllim.

Mbretëria Ime është shtëpia juaj. Ju nuk duhet të ndjeni asnjë shtytje për ta refuzuar familjen tuaj, që të mund ta bashkoni zemrën tuaj me Timen. Përkundrazi silleni tek Unë familjen tuaj përmes lutjeve tuaja. Shumë vetë do t'ju lëndojnë kur ju e shpallni të Vërtetën e Fjalës Sime. Por kjo është në rregull. Mos i sfidoni ata apo të përpiqeni t'i detyroni kundër vullnetit të tyre. 

Unë do t'i marr ata në Dritën Time të Mbrojtjes kur ju të recitoni Lutjen e Kryqëzatës (13) Lutje për të k
ërkuar imunitet.  

Unë Jam plot me dashuri për ju. Ata që besojnë tek Unë do të ngushëllohen shumë nga Ardhja Ime e Dytë. Ata shpirtra të tjerë mund të shpëtohen përmes lutjeve tuaja. Ja përse Unë po ju përgatis tani. Është për t’ju shpëtuar të gjithëve ju që të mund të shijoni Qiellin e Ri dhe Tokën e Re.

Unë sjell shpresë. Unë sjell Mëshirë. Unë sjell shpëtim. Unë sjell realizimin e besëlidhjes përfundimtare, epokës së fundit, e cila do të jetë përmbushja e Vullnetit të Atit Tim.

Kurrë mos kini frikë nga Unë, sepse Unë Jam familja juaj, i bashkuar nëpërmjet Mishit e Gjakut, nëpërmjet natyrës Sime Njerëzore, si dhe nëpërmjet natyrës Sime Hyjnore.

Qëndroni në paqe, ndjekësit e Mi të dashur. Pushoni në Supin Tim sepse Dashuria dhe Mëshira Ime është më e madhe se çdo gjë që ju njihni. Kjo është një kohë për t’u gëzuar dhe jo për t’u hidhëruar, sepse Unë ju kam dhënë Dhuratën e Shpëtimit. Kjo Dhuratë është për ju si dhe për ata që janë të humbur. Ajo është për gjithsecilin.

Jezusi juaj i dashur

https://fatherofloveandmercy.wordpress.com/2012/12/16/i-bring-hope-i-bring-mercy-i-bring-salvation/

Tuesday 18 December 2012

Unë Jam Hyj gjithë-falës, gati për t’ju dhënë lirinë nga mëkatet që ju kanë zaptuar

E Shtunë, 15 Dhjetor 2012, në 21:45

Bija Ime fort e dashur, Unë dëshiroj të arrij tek ata prej jush që janë të trazuar në jetët tuaja në këtë kohë.

Unë ju bëj thirrje juve që jeni në mëkat të thellë dhe që jeni të dëshpëruar për të gjetur ndonjëherë ngushëllim për shkak të dhimbjes në të cilën ju jeni. Ju mund të jeni fajtorë për mëkate të rënda, përfshirë vrasjen, abortin, dhunën, shthurjen seksuale, ose mund të jeni futur në okultizëm, por a nuk e dini se gjithçka që ju duhet të bëni është të ktheheni tek Unë dhe të më kërkoni Mua që t'ju ndihmoj?

Unë Jam Hyj gjithë-falës, gati për t'ju dhënë lirinë nga mëkatet, që ju kanë zaptuar. Këto mëkate mund të hiqen nga jeta juaj. Ajo që kërkohet është kurajo. Mbajeni mend se nuk ka as edhe një mëkat, me përjashtim të mëkatit të blasfemisë kundër Shpirtit të Shenjtë, që Unë nuk do t’jua falja.

Nuk është fakti që mëkatarët nuk mund të mbeten në gjendjen e hirit të Zotit për një kohë të gjatë, ajo që ju pengon të kërkoni Faljen Time. Është mendimi se Unë kurrë nuk mund t'ju falja, ajo që ju mban ju larg Meje.

Mëshira Ime është kaq e madhe saqë do t'iu jepet atyre që e kërkojnë.

Unë ju bëj thirrje të gjithë atyre që janë të pasigurt për Ekzistencën Time. Unë ju kërkoj që të keni besim tek Unë. Duke patur besim tek Unë, duke komunikuar me Mua dhe duke më kërkuar Mua t'ju fal, ju do të merrni përgjigjen që kaq shumë e dëshironi.

Unë do të përgjigjem dhe ju do ta ndjeni këtë në zemrën tuaj kur ju të recitoni Lutjen e Kryqëzatës për Hirin e Mëshirës Sime për mëkatarët fatkeqë.

Lutja e Kryqëzatës (89) Për Mëkatarët fatkeqë

I dashur Jezus, më ndihmo mua, një mëkatar të shkretë fatkeq, të vij tek Ti me keqardhje në shpirtin tim. 

Më pastro nga mëkatet, të cilat e kanë shkatërruar jetën time.

Më jep Dhuratën e një jete të re, pa prangat e mëkatit, dhe lirinë që mëkatet e mia ma mohojnë.

Më rikthe në Dritën e Mëshirës Tënde. Më pushto në Zemrën Tënde. 

Më lejo ta ndjej Dashurinë Tënde, që të mund të afrohem pranë Teje dhe që dashuria ime për Ty të ndizet.

Ki Mëshirë për mua, Jezus, dhe më pastro nga mëkati. Më bëj të denjë për të hyrë në Parajsën Tënde të Re. Amen.


Kujtoni se nuk është për shkak se shpirtrat janë të denjë të hyjnë në Mbretërinë Time, që ata marrin faljen. Por është sepse Mëshira Ime është kaq e madhe, saqë Unë mund ta shpëtoj çdo mëkatar të vetëm sikur vetëm ta merrnin kurajon që iu duhet për të më kërkuar Mua ndihmë.

Unë ju dua të gjithëve ju me një pasion të pafund. Kurrë mos e refuzoni Dashurinë apo Mëshirën Time, sepse pa ato ju do të fundoseni më thellë në mëkat dhe do të mbeteni të humbur për Mua.

Kur ju ta recitoni këtë lutje, Unë do të përgjigjem në një mënyrë të tillë që ju do ta keni shumë të vështirë për t’u larguar nga Unë përsëri.

Jezusi juaj i dashur

https://fatherofloveandmercy.wordpress.com/2012/12/15/i-am-an-all-forgiving-god-ready-to-grant-you-freedom-from-the-sins-which-entrap-you/

Monday 17 December 2012

Përulësia është më tepër se thjesht pranimi i vuajtjes. Ajo është një mjet i fuqishëm për të mposhtur të ligun

E Enjte, 13 Dhjetor 2012, në 18:11

Bija Ime fort e dashur, dhurata e përulësisë duhet të fitohet. Ajo kurrë nuk duhet të ngatërrohet me frik
ën.

Ishte për shkak të vet
ë Përulësisë Sime që Satani u gënjye dhe prej kësaj, e humbi të drejtën t’i fitojë të gjithë shpirtrat dhe t’i mallkojë ata me ndëshkimin e përjetshëm.

Satani është arrogant, mendjemadh, mashtrues dhe i mbushur me dashuri për vetveten dhe me urrejtje. Beteja për shpirtrat u fitua përmes Veprës së Përulësisë, kur Unë, Mbreti i njerëzimit, e lejova Veten të poshtërohesha, të torturohesha, të përbuzesha, të isha i tallur dhe të mundohesha nga mëkatarë të infektuar me urrejtjen e Satanit.

Është e pamundur për bishën që të ndjejë përulësi. Ai e njihte Fuqinë e Hyjit dhe se sa e ashpër do të ishte beteja e tij kundër fëmijëve të Hyjit. Ai priste që Unë, jo vetëm të shpallja Fjalën e Hyjit, por edhe të tregoja Autoritetin Tim midis njerëzve duke e deklaruar veten Time para tyre, në një gjendje të lartë madhërie. Madje edhe atëherë, ai ishte i bindur se do ta shkatërronte Misionin Tim.

Çfarë ai nuk e priti ishte refuzimi Im për t’i dënuar ekzekutuesit e Mi, apo Përulësia që Unë tregova. Mos angazhimi Im me torturuesit e Mi do të thoshte se ata nuk kishin asnjë fuqi mbi Mua. Toleranca Ime ndaj fshikullimit, talljeve dhe persekutimit vetëm sa e dobësoi më tepër fuqinë e të ligut. Ai kurrë nuk e priste këtë dhe provoi gjithçka, përfshirë edhe torturën fizike, për të më bërë Mua që të heq dorë nga raca njerëzore.

Ishte të pranuarit nga Unë i vdekjes Sime, sakrifica e bërë nga Ati Im, për ta lejuar Kryqëzimin Tim, ajo që e çliroi njeriun nga mëkati.

Kjo ishte beteja e parë e luftuar dhe e fituar. Kështu do të luftohet edhe beteja e dytë, për ta kthyer njerëzimin në Mbretërinë Time, që të mund të shijojnë jetën e përjetshme.

Ai, bisha dhe të gjithë engjëjt e tij të rënë, tundojnë shumë shpirtra me qëllim që shumë vetë të jenë mashtruar dhe të mos e pranojnë Ekzistencën Time. Shumë prej atyre që besojnë, po luftojnë fort, përmes tundimeve të vendosura para tyre, për ta shpërfillur Thirrjen Time nga Qielli në këtë kohë.

Pastaj vijnë ata që pozojnë si shërbëtorë në Kishën Time, të cilët po planifikojnë së bashku me grupin e elitës, për të shkatërruar miliona vetë. Ata do ta bëjnë këtë duke e bllokuar Fjalën Time dhe pastaj me persekutim fizik. Tradhtia e tyre përfundimtare kundër fëmijëve të Hyjit do të dëshmohet nga të gjithë.

Shpirtrat për të cilët Unë jam më shumë në merak, janë ata të ateistëve dhe të të rinjve të cilëve nuk iu është mësuar e Vërteta. Unë ju bëj thirrje të gjithëve ju që më njihni Mua, Jezusin tuaj, që t'i sillni ata tek Unë. Unë i rrethoj ata me Dritën dhe Mbrojtjen Time dhe Unë do ta luftoj të ligun deri në sekondën e fundit për këta shpirtra.

Ju duhet të marshoni përpara, dishepujt e Mi trima, dhe të përpiqeni që ta bllokoni ligësinë që ju rrethon. Nëse ju merreni me ata që bëjnë çmos për ta ndaluar këtë Mision, ju do të dështoni ndaj Meje.

Përse, mund të pyesni ju, janë këta njerëz kaq të dëshpëruar për ta bllokuar Fjalën Time? Përgjigja është se ka qenë gjithmonë kështu aty ku Unë eci, ku Unë flas dhe ku Unë Jam i pranishëm.

Lëvizni dhe afrohuni pranë Meje. Fuqia Ime do t'ju mbulojë dhe ju do të jeni të mbrojtur. Por mos i hiqni sytë nga Unë, sepse janë shumë vetë që do t'ju kërcënojnë, do t’ju fyejnë dhe do përpiqen t'ju pengojnë. Kur t'i dëgjoni thirrjet arrogante por të rrëmujshme të hedhura mbi ju, ju do ta dini se çfarë të bëni.

Sa më të vendosur të jenë kundërshtarët tuaj, në përpjekjet për t'ju bindur se nuk jam Unë, Jezu Krishti, Mbreti i njerëzimit, që po flet me ju tani, aq më shumë atëherë ju do ta kuptoni se Unë Jam me të vërtetë i pranishëm midis jush.

Unë eci me ju ndërsa ju qëndroni pranë Meje. Heshtja dhe refuzimi juaj të angazhoheni me ata që ju tallin, do t'ju bëjë më të fortë. Lërini ata që bërtasin dhe e tallin Fjalën Time të bëjnë atë që bëjnë. Lutuni fort për ta, sepse kanë nevojë për ndihmën tuaj. Mendojeni si diçka të tillë.

Shikojini të gjithë këta njerëz sikur ata të jenë mbledhur së bashku në një dhomë dhe se janë veçse fëmijë të vegjël. Kur ju shikoni fëmijë të vegjël, ju ndjeni një dashuri të thellë për shkak të vobektësisë së tyre. Ju e shikoni mirëbesimin që ata e kanë ndaj prindërve dhe kujdestarëve të tyre dhe ndjeheni të tejmbushur nga dashuria që keni në zemrat tuaja për ta.

Disa nga këta fëmijë do të sillen sipas asaj që iu është thënë se është mënyra e duhur për tu sjellë. Të tjerë tregojnë mizori ndaj fëmijëve të tjerë. Dhe ndërsa mund të jeni të tronditur nga sjellja e tyre, ju e dini se duhet t'i korrigjoni ata, dhe pastaj t'i ndëshkoni, nëse vazhdojnë të refuzojnë që të sillen ashtu si duhet. Por mbi të gjitha, ju prapë i doni ata, pavarësisht se çfarë ata bëjnë, sepse ata janë fëmijët e shtrenjtë të prindërve të dashur.

Po në këtë mënyrë ndjehet edhe Ati Im për të gjithë fëmijët e Tij. Nuk ka rëndësi se çfarë ata bëjnë, sepse Ai prapë i do ata. Por Ai nuk do të lejojë disa nga fëmijët e Tij që të shkatërrojnë fëmijët e Tij të tjerë dhe Ai do t'i ndëshkojë ata, por vetëm që Ai të mund ta ribashkojë Familjen e Tij.

Kur ju luteni për ata që e fyejnë Hyjin dhe që i lëndojnë fëmijët e Tij, ju i shkaktoni vuajtje të tmerrshme Satanit, që e lëshon shtrëngimin që ai mban mbi ata njerëz për të cilët ju luteni.

Përulësia është më tepër se thjesht pranimi i vuajtjes. Ajo është një mjet i fuqishëm për ta mposhtur të ligun. Duke u lutur për ata që ju torturojnë, ju më sillni Mua një dhuratë të madhe të dashurisë së vërtetë. Një dashuri të veçantë për Mua, Jezusin tuaj.

Unë do të vazhdoj t'ju udhëzoj ju, dishepujt e Mi, që ju të mbeteni të fortë dhe besnikë ndaj Mësimeve të Mia. Do të jetë në këto kohë të braktisjes së madhe, që Ungjilli Im i Shenjtë dhe mesazhet e Mia, që tani po ju jepen për t'ju përgatitur, duhet të përhapen në mbarë botën në fushatën Time për të shpëtuar shpirtrat.

Jezusi juaj

https://fatherofloveandmercy.wordpress.com/2012/12/13/humility-is-more-than-just-the-acceptance-of-suffering-it-is-a-powerful-means-of-defeating-evil/

Sunday 16 December 2012

Tradhtarët ndaj Fjalës Sime të Shenjtë, që është dërguar nëpërmjet profetëve të Hyjit, Unë solemnisht ju premtoj, se do të çojnë në Zemërimin e Atit Tim

E Mërkurë, 12 Dhjetor 2012, në 23:54

Bija Ime fort e dashur, sa trishtohem kur Unë shikoj kaq shumë përçarje, që Fjala Ime e Shenjtë, e dhënë përmes këtyre Mesazheve, ka shkaktuar.

Kur Fjala Ime, e dhënë vizionarëve dhe profetëve të vërtetë, i bëhet e njohur botës, ajo tërheq kritikë të menjëhershme. Përse ndodh kjo? Ndodh sepse jam Unë, Jezusi juaj, Fjala e Shenjtë e të Cilit gjithmonë do të vihet në dyshim dhe kritikohet, përpara se të deklarohet si herezi prej mëkatarëve.

Arsyeja njerëzore, edhe pse e rëndësishme në rolin e të kuptuarit, luan një pjesë shumë të vogël në të njohurit e Fjalës Sime.

Dashuria, që Fjala Ime e ndez në një shpirt, i cili nuk ka dashakeqe dhe është i pastër dhe i përulët, nuk mundet dhe nuk do të mohohet. Është përmes këtyre shpirtrave që Unë e jap dhuratën për të qenë të aftë për të më njohur Mua. Këta shpirtra, së bashku me profetin që Unë e zgjedh për ta përhapur Fjalën Time, do të duhet të pranojnë Kupën Time të vuajtjes.

Unë ju kërkoj që ta shkëpusni veten nga joshjet e botës dhe ta kushtoni veten tek Unë, sepse kjo do të jetë një udhë shumë e ashpër dhe e vetmuar kur ju më ndiqni Mua.

Kur jeni të sfiduar në Emrin Tim, apo kur zërat e profetëve të Mi të vërtetë janë tallur dhe deklaruar se nuk janë prej Hyjit, Unë ju them këtë.

Mos i nderoni të tilla sulme me asnjë lloj përgjigjeje. Qëndroni të heshtur në vuajtjen tuaj.

Zëri i Hyjit do të Mbretërojë mbi botë tani dhe mos lejoni askënd që t'ju largojë nga e Vërteta, e cila është shumë e rëndësishme, në mënyrë që Unë të mund t'ju sjell ju mëkatarët e pashpresë në Krahët e Mi të Shenjtë për t'ju qetësuar.

Unë ju sjell Paqe. Argumentet, kritikat dhe shfaqjet publike të autoritetit, prej atyre që e shpallin Fjalën Time nga njëra anë, dhe që i dënojnë të tjerët në Emrin Tim nga ana tjetër, nuk duhet të pranohen. Kjo lloj sjelljeje nuk është prej Hyjit. Ajo vjen nga shpirti i lig.

Kujtoni se nuk janë profetët e Mi ata që ju i lëndoni. Jam Unë Ai që ju e fyeni.

Ju jeni fajtorë për kohën e harxhuar dhe për largimin nga Puna e Shpirtit të Shenjtë. Ju nuk do të lejoheni të sakrifikoni shpirtrat e atyre që ju guxoni t'i çoni në udhë të gabuar në Emrin Tim.

Ju, që mëkatoni kundër Meje duke e penguar Fjalën e Hyjit të dëgjohet në këto kohë, do të flakeni tutje. Durimi Im po dobësohet. Shqetësimi Im po rritet. Dhimbja Ime po më torturon. Ju po përpiqeni t'i mashtroni ndjekësit e Mi, roli i të cilëve në udhëheqjen e ushtrisë Sime të mbetur është vendimtar. Për këtë ju do të ndëshkoheni.

Unë ju lutem që të më kërkoni Mua të vij tek ju që të mund t'ju jap ngushëllim, sepse mos u gënjeni, ju jeni shpirtra të trazuar dhe mëkatet tuaja janë të njohura për Mua.

Arroganca juaj është fyese dhe ofenduese për Atin Tim. Dëshira juaj për t’i sakrifikuar shpirtrat tuaj, për shkak të ambicies suaj për t’u dukur si zëdhënës inteligjentë dhe me autoritet për Mua, është e neveritshme në Sytë e Mi.

Tradhtarët ndaj Fjalës Sime të Shenjtë, që është dërguar nëpërmjet profetëve të Hyjit, Unë solemnisht ju premtoj, se do të çojnë në Zemërimin e Atit Tim. Ndëshkimi juaj do të jetë i shpejtë. Koha juaj është e kufizuar. Ju keni veçse një kohë të shkurtër ku të zgjidhni se cilit zotëri me të vërtetë do t'i shërbeni.

Jezusi juaj 

Friday 14 December 2012

Arsyetimi njerëzor është i pakuptimtë kur ju përpiqeni ta përcaktoni Jetën e Përjetshme

E Martë, 11 Dhjetor 2012, në 23:16

Bija Ime fort e dashur, ndërsa celebrohet Koha e Ardhjes, Unë i bëj thirrje dishepujve të Mi besnikë që t’i kujtojnë të tjerët për rëndësinë e lindjes Sime në tokë.

Lindja Ime vërtetoi Dashurinë e pashtershme, të cilën Ati Im e ka për fëmijët e Tij. Ai me dëshirë më sakrifikoi Mua, Qengjin e Hyjit, që secili prej jush të mund të ketë jetën e përjetshme. Kjo Dhuratë, e cila shkaktoi dhimbje dhe vuajtje të tmerrshme për të gjithë ata pranë Meje, iu ishte dhënë njerëzimit me Gëzim.

Kjo ishte e vetmja mënyrë për ta shpenguar njerëzimin nga dëshpërimi që i priste. Emri Im, Prania Ime është e njohur për të gjithë, por pak vetë nëpër botë besojnë me të vërtetë në Ekzistencën Time. Vdekja Ime në Kryq, një Kryqëzim kaq i egër dhe i dhunshëm, madje edhe për standardet e përdorura për kriminelët e asaj kohe, ju sjell ju lirinë – madje edhe sot.

Secilit prej jush, prej virtytit të lindjes suaj, i është dhënë çelësi drejt lirisë, për në Jetën e Përjetshme në Parajsën Time të Lavdishme. Shumë prej jush nuk e kuptojnë se çfarë do të thotë kjo. Kjo është për shkak të presionit në të cilin ju jeni për të më mohuar Mua në publik. Sa prej jush kanë frikë të thonë se besojnë tek Unë? Nëse do t'ju kërkohej që ta deklaronit besimin tuaj hapur, a do të qëndronit me Mua dhe ta tregonit besnikërinë tuaj ndaj Meje?

Shumë prej jush thoni se ju nuk më njihni Mua, por që e besoni se Unë Ekzistoj. Ju besoni se ka një jetë pas kohës mbi Tokë, e cila ju është akorduar nga Ati Im. A nuk e dini se nëse ju ma keni kthyer Mua shpinën, ju ia mohoni vetes suaj të drejtën për në Mbretërinë Time?

Arsyetimi njerëzor është i pakuptimtë kur ju përpiqeni ta përcaktoni Jetën e Përjetshme, sepse juve nuk ju është dhënë njohuria e nevojshme për të ditur Misteret e Krijimit të Atit Tim. Megjithatë juve ju është dhënë Fjala Ime përmes Mësimeve të Mia, e cila është gjithçka që ju duhet për t’u pranuar nga Unë në një jetë të paqes, dashurisë dhe lumturisë së përjetshme. Kjo jetë e re është e juaja dhe për shkak të Dashurisë së Hyjit ajo është atje për ju, duke pritur, nëse ju vetëm do t'i përgjigjeshit Thirrjes Sime.

Unë, Jezusi juaj i dashur, Shpëtimtari dhe Mbreti juaj, tani po përgatitem për ta paraqitur Veten Time tek ju kur Unë të vij për t'ju shpëtuar të gjithëve ju.

Dashuria Ime është e pranishme tek secili prej jush. Shikoni brenda jush dhe më kërkoni Mua që ta ndez zjarrin e dashurisë, që ju nevojitet, ashtu si oksigjeni, për të jetuar në këtë Parajsë të Re.

Nuk është për t’u patur frikë. Ju duhet të më mirëprisni Mua, sepse Unë Jam duke ardhur për t'ju sjellë lumturinë e përjetshme. Unë ju bëj thirrje që ta pranoni Ardhjen Time të Dytë me gëzim në zemrat tuaja.

Jezusi juaj

https://fatherofloveandmercy.wordpress.com/2012/12/11/human-reasoning-is-meaningless-when-you-try-to-define-eternal-life/

Virgjëra Mari: Ai, kaq i përulur, do të vijë me shkëlqim të madh e të lavdishëm dhe Mëshira e Tij e Madhe do ta vërshojë tokën

E Martë, 11 Dhjetor 2012, në 17:00

Të vegjëlit e mi të dashur, Zemra ime gëzon sepse Mbretërimi i Birit tim është shumë afër.

Me gjithë vuajtjet e Tij, refuzimin ndaj Tij nga njerëz mosmirënjohës dhe braktisjen e besimit, që e mbulon tokën, Ai do t’i sjellë lavdi të madhe njerëzimit.

Ai do të vijë mbi një re të madhe dhe Madhështia e Tij do ta mbulojë çdo shpirt që do të bjerë nga gëzimi në Këmbët e Tij.

Ai, kaq i përulur, do të vij në shkëlqim të madh e të lavdishëm dhe Mëshira e Tij e Madhe do ta vërshojë tokën.

Fëmijë, ju duhet të përgatiteni sepse do t'ju duhet forcë e madhe për t’u dorëzuar para Tij. Do t'ju kërkohet që të tregoni përulësi dhe t'i luteni Atij për ta shpenguar shpirtin tuaj që të mund të shikoni Dritën e së Vërtetës.

Mëshira e Tij e Madhe do të merret nga shumë prej jush. Të tjerë, sidoqoftë, do ta shpërfillin Praninë e Tij si dhe Dhuratën e Madhe, që Ai do të sjellë.

Lutuni, lutuni, lutuni për ata që refuzojnë ta pranojnë ekzistencën e jetës së përjetshme, sepse këta njerëz kanë nevojë për ndihmën tuaj. Do të sjellë gëzim të madh nëse ju mund ta ndjeni në zemrat tuaja për t'i kërkuar Birit tim që t'i shpëtojë këta shpirtra.

Ju, fëmijët e mi, së shpejti do të shikoni fundin e vuajtjeve tuaja sepse Biri im, në Mëshirën e Tij, ka plane të mëdha për çdo person të gjallë në tokë sot.

Të jeni mirënjohës për Dhuratën e jetës që ju është dhënë kur keni lindur.

Të jeni mirënjohës për Dhuratën e Jetës së Përjetshme, që Biri im së shpejti do t'ia paraqesë botës. Kjo Dhuratë është për çdonjërin prej mëkatarëve. Do të jetë sipas vullnetit tuaj të lirë, nëse ju do ta pranoni atë apo jo.

Ejani tek unë, fëmijë, sepse unë do t'ju marr brenda strehës së Zemrës sime të Papërlyer dhe do t'ju përgatis që të mund t'ju çoj tek Biri im të gatshëm për Ardhjen e Tij të Dytë.

Nëna juaj e dashur
Nëna e Shpëtimit

https://fatherofloveandmercy.wordpress.com/2012/12/11/virgin-mary-he-so-humble-will-come-in-great-glorious-splendour-and-his-great-mercy-will-flood-the-earth/

Wednesday 12 December 2012

Unë do t’i Gjykoj të Gjallët e të Vdekurit dhe vetëm ata që janë të denjë mund të hyjnë në Mbretërinë Time

E Hënë, 10 Dhjetor 2012, në 22:22

Bija Ime fort e dashur, të lutem tregoju të gjithë atyre që i ndjekin Mësimet e Mia të kujtohen për Premtimin Tim.

Unë e kam bërë të qartë se Unë do të vij përsëri për të shpëtuar Mbretërinë Time.

Ardhja Ime e Dytë është e pritur dhe ata që pohojnë se e njohin të Vërtetën, që përmbahet në Librin e Atit Tim, do ta dinë se ajo nuk përmban gënjeshtra.

Unë do të vij përsëri, ashtu siç është parathënë, dhe tashmë është pothuajse përmbi ju.

Unë do t’i gjykoj të Gjallët e të Vdekurit dhe vetëm ata që janë të denjë mund të hyjnë në Mbretërinë Time.

Ka qenë parathënë gjithashtu se i ligu do të përgatisë një luftë në tokë për ta luftuar Atin Tim për shpirtrat.

Kjo është një luftë që ai nuk mund ta fitojë dhe prapë, shumë nga ata që e jetojnë jetën e tyre të bazuar në premtime boshe, besojnë se jeta e tyre tokësore është gjithçka që ka rëndësi. Mashtrimi, që i ka zaptuar shumë njerëz, do të jetë rënia e tyre.

Oh sa dëshiroj Unë që këta shpirtra t'i hapin sytë në kohë ndaj të Vërtetës, përpara se të jetë tepër vonë për ta.

Dhimbja dhe ankthi Im tani, ndërsa i shikoj ata shpirtra të gjorë e të gënjyer që do të jenë të humbur për Mua, kurrë nuk kanë qenë kaq intensive. Ja përse shpirtrat viktimë, shpirtrat e zgjedhur dhe ata që janë pranë Zemrës Sime të Shenjtë, ndjejnë një dhimbje të tillë pikërisht tani. Unë vuaj përmes tyre ndërsa koha afron.

Të gjitha planet e Atit Tim, për t’i mbështjellë fëmijët e Tij dhe për t'i mbuluar ata me Vulën e Tij të Mbrojtjes, janë gati.

Çdo shpirt po kërkohet prej Tij. Shpirti i Shenjtë është duke mbuluar kaq shumë shpirtra në këtë moment në histori, me qëllimin për t'i tërhequr ata drejt Krahëve të Mi të Shenjtë.

Ju lutem të mos e mohoni Premtimin Tim. Pranojeni që Ardhja ime e Dytë do të dëshmohet prej juve, të këtij brezi.

Ky është lajm i mirë. Kthimi Im do të jetë momenti i Përlëvdimit Tim, që do t’i ripërtërijë të gjithë ata që më duan Mua dhe ata do të fillojnë një jetë të re, një kohë shkëlqimi të madh, ku ata do të gëzojnë në Dritë dhe Dashuri.

Ju lutem të mos frikësoheni.

Unë vij me Dashuri të Madhe.

Unë vij me një Dhuratë të Madhe.

Ju do të çoheni në shtëpinë tuaj të vërtetë dhe do të bashkoheni me familjen tuaj.

Të gjithë fëmijët e Hyjit, të favorizuar për të hyrë në këtë Ekzistencë të re të Lavdishme, do të bëhen si një trup i vetëm.


Dashuria do të jetë kudo. Paqja, gëzimi, qeshja, shoqëria, mrekullitë dhe Adhurimi i Hyjit, do të jenë pjesë e çdo momenti.

Vdekja nuk do të ekzistojë. Urrejtja do të ketë vdekur.

I ligu do të jetë hequr.

I gjithë njerëzimi nuk do të vuajë më dhe as nuk do të përjetojë dhimbje apo mos-perfeksione të çfarëdo lloji. Kjo është Parajsa Ime e Re. Koha e lotëve nuk do të jetë më.

Besoni tek Unë, ndjekësit e Mi, sepse dhimbja dhe vuajtja që po kaloni është pothuajse e mbaruar. Unë e di se si ju vuani për shkak të regjimeve të padrejta nën të cilat ju duhet të jetoni. Kjo është periudha përfundimtare, sepse tani Dora e Atit Tim do të ndërhyjë.

Bota do të ndryshojë. E vjetra do të hidhet tutje dhe një Agim i Ri do të dalë në dukje në gjithë Lavdinë e Hyjit kur Fuqia e Tij do të Mbretërojë, ashtu siç duhej të ishte, që nga Krijimi i botës.

Jezusi juaj i Dashur

https://fatherofloveandmercy.wordpress.com/2012/12/10/i-will-judge-the-living-and-the-dead-and-only-those-who-are-worthy-can-enter-my-kingdom/

Tuesday 11 December 2012

Zjarri i Shpirtit të Shenjtë do të ndjehet në zemrat e çdonjërit

E Diel, 9 Dhjetor 2012, në 19:00

Bija Ime fort e dashur, është dëshira Ime, jo që t'i tremb ndjekësit e Mi, por që të tregoj Dashurinë dhe Dhembshurinë që Unë mbaj në Zemrën Time për çdo burrë, grua dhe fëmijë.

Është për shkak të Dashurisë Sime për çdonjërin prej fëmijëve të Hyjit, duke përfshirë edhe ata që e kundërshtojnë Fjalën e Hyjit, që Unë dëshiroj t'i mbuloj ata me Flakën Time të Mëshirës.


Të jeni të përgatitur, të gjithë ju, sepse së shpejti ju do të dëshmoni Pushtetin e Hyjit dhe Ndërhyrjen e Tij Hyjnore në botë, kur Ai do të ndalojë gjithçka që është, për një periudhë prej pesëmbëdhjetë minutash.

Zjarri i Shpirtit të Shenjtë do të ndjehet në zemrat e çdonjërit.

Për ata që janë në gjendjen e hirit të Zotit, do të jetë një ndjenjë gëzimi, dashurie dhe dhembshurie për Mua, Jezusin tuaj.

Për ata në gjendjen e mëkatit të lehtë, ju do të ndjeni dhimbjen e Purgatorit, por ju së shpejti do të pastroheni dhe pastaj do të ndjeni një paqe dhe një dashuri të thellë brenda zemrave tuaja për Mua.

Për ata prej jush në mëkat mortor, ju do të përjetoni mizorinë dhe dhimbjen sikur të kishit qenë zhytur brenda zjarreve të Ferrit.

Disa prej jush, në këtë gjendje mëkati, do të më lypin faljen dhe mbështetjen Time për t’jua ndaluar vuajtjet tuaja të brendshme. Këtë Unë do t'jua jap nëse ju mund të gjeni keqardhje të vërtetë në zemrat tuaja dhe të pranoni se mëkatet tuaja më shkaktojnë Mua lëndim dhe dhimbje të rëndë, sepse ato e fyejnë Hyjin.

Pastaj do të jenë ata shpirtra të gjorë e të pafat që do të pështyjnë tek Unë, do të luftojnë me Mua dhe pastaj do të më kthejnë shpinën. Tmerri, që ata do të ndjejnë, do të jetë për shkak se shpirtrat e tyre janë të infektuar prej Satanit.

Ata nuk do të jenë në gjendje t’i qëndrojnë dhimbjes kur ta dëshmojnë Dritën Time dhe ata do të vrapojnë në krahët e të ligut, errësira e të cilit iu sjell atyre ngushëllim.

Më në fund do të jenë ata që do të vdesin në çast për shkak të tronditjes që ata do të përjetojnë. Ju lutem të luteni për këta shpirtra çdo ditë, sepse lutjet tuaja do të fitojnë për ata hyrjen për në Mbretërinë Time.

Kjo është një nga mrekullitë më të mëdha të dhëna ndonjëherë fëmijëve të Hyjit.

Zbulesa Ime ndaj jush, gjatë kësaj ngjarjeje, do t'ju zgjojë rreth faktit se Premtimi Im, për të ardhur që ta shpëtoj racën njerëzore në mënyrë që ata të mund ta trashëgojnë Jetën e Lavdishme që vjen, së shpejti do të kuptohet.

Jezusi juaj

https://fatherofloveandmercy.wordpress.com/2012/12/09/the-fire-of-the-holy-spirit-will-be-felt-in-the-hearts-of-everyone/

Paralajmërimi do t’i pastrojë fëmijët e Hyjit në përgatitjen për Ardhjen Time të Dytë

E Shtunë, 8 Dhjetor 2012, në 11:40

Bija Ime fort e dashur, ashtu si Ati Im e përgatiti botën për Ardhjen Time të Parë, po ashtu Ai tani po i përgatit fëmijët e Tij për Ardhjen Time të Dytë.

I gjithë Qielli gëzoi kur Unë u linda, sepse ata e dinin se Unë u dërgova për ta shpëtuar njerëzimin nga mallkimi i përjetshëm. Tani Hierarkia e të gjithë engjëjve dhe të gjithë shenjtërve gëzon, sepse tani përgatitjet janë gati për ta përgatitur botën që të më mirëpresë Mua, Jezu Krishtin, Birin e Njeriut edhe njëherë përsëri.

Vetëm Ati Im i di datat por Unë mund t'ju tregoj se ajo do të ndodhë jo shumë gjatë pasi që Paralajmërimi të ketë ndodhur.

Kjo është koha që Ati Im e ka pritur me durim. Më në fund Ai mund ta hedhë në humnerë bishën dhe djajtë e tij, të cilët ecin në tokë duke i torturuar fëmijët e Tij.

Paralajmërimi do t'i pastrojë fëmijët e Hyjit në përgatitjen për Ardhjen Time të Dytë.

Ai është i nevojsh
ëm sepse do të thotë që shumë njerëz tani do të kërkojnë falje për mëkatet e tyre; të cilët përndryshe nuk do ta kishin bërë këtë.

Tërmetet, stuhitë, përmbytjet dhe moti jo sipas stinëve do të kombinohen për ta pastruar tokën nga helmi. Toka, deti dhe ajri gjithashtu do të pastrohen në gatishmëri për Parajsën e Re, kur Qielli dhe Toka do të bashkohen në një.

Gjithçka është organizuar me kujdes, sipas Planeve Hyjnore të Atit Tim. Fare pak dihet mes njerëzve për Ligjet Hyjnore, të cilat e qeverisin Mbretërinë e Atit Tim mbi tokë dhe në Qiej.

Shumë gjëra ju kanë qenë mësuar, përmes profetëve dhe përmes Mësimeve të Mia. Prapë shumë mbetet një mister për ju. Kur misteret t'ju jenë treguar, në kohën e vet, ju atëherë do ta kuptoni arsyen e vuajtjes njerëzore.

Shumë prej juve shkollarëve të ditur të Hyjit i p
ërmbaheni, për sa më mirë të mundeni, Ligjeve të caktuara nga Unë.

Dijeni pra se Dashuria që Hyji e ka për fëmijët e Tij e tejkalon çdo arsye teologjike.

E njëjta gjë vlen për shpirtrat e thjeshtë që ndjejnë një dashuri të vërtetë, pa e analizuar pse, për Mua Jezusin e tyre të dashur.

Duke besuar tek Unë, dhe duke pranuar që Dashuria Ime është e Mëshirshme dhe e Durueshme, atëherë dijeni se Unë do t'i përmbush Premtimet e bëra nga Ati Im.

Vullneti i Tij Hyjnor do të kryhet më në fund. Vetëm Vullneti i Tij mund të sigurojë paqe mes fëmijëve të Tij. Ky vullnet do të manifestohet në mënyrë që i gjithë Krijimi i Tij ta dojë Atë, ta pranojë Dashurinë e Tij dhe Dhuratat, qe Ai dëshiron t’i vërshojë përmbi fëmijët e Tij.

Bota ka parë vetëm një grimcë të mrekullive të krijuara nga Ati Im.

Fëmijët e Tij duhet akoma ta dëshmojnë Lavdinë e Vërtetë të Mbretërisë së Tij që ka qenë duke pritur për ta.

Pas shumë dhimbjesh dhe vuajtjesh, të shkaktuara nga urrejtja e mbjellë mbi tokë prej engjëjve të rënë, të udhëhequr nga Satani, gjithçka tani do të zgjidhet.

Beteja përfundimtare do të shohë shkatërrimin e të ligut të kryhet përfundimisht.

Paralajmërimi është një Mrekulli, e lejuar prej Atit Tim, për të siguruar që sa më shumë prej fëmijëve të Tij të jetë e mundur, të mund të hyjnë në Mbretërinë Time të Re.

Për shkak të braktisjes së besimit dhe të gabimeve doktrinore, të përhapura nga shërbëtorë të shenjtë të gënjyer, në katër dekadat e fundit, kjo është e vetmja mënyrë për ta bashkuar njerëzimin shpejt.

Madhësia e popullsisë së botës në këtë kohë do të thotë se miliarda mund të shpëtohen përmes kësaj Mrekullie të Ndriçimit të Ndërgjegjes.

Ndërsa koha hyn tani për në Mundimin e Madh, Unë, Qengji i Hyjit, do t’i zbuloj botës kuptimin e vërtetë të përmbajtjes së Vulave, të dhëna Gjonit.

Libri i së Vërtetës është Fjala e Hyjit, e dhënë tashmë njerëzimit deri tani përmes Librit të Atit Tim. Ai i kujton fëmijët e Hyjit për të Vërtetën, pasi kaq shumë e kanë harruar atë.

Ai gjithashtu do të zbulojë disa prej mistereve të kohëve të mbarimit, ashtu siç iu dhanë Danielit, që të gjithë ju të jeni të përgatitur për të hyrë në Parajsën e Re me vullnetin tuaj të lirë.

Mos e refuzoni të Vërtetën, ashtu si po ju jepet tani, sepse do të ishte njësoj sikur një i sëmurë të refuzonte kurën për sëmundjen. Pa të Vërtetën, ju do të jeni të keq-përgatitur për të hyrë në Parajsën Time të Re.

Jezusi juaj

https://fatherofloveandmercy.wordpress.com/2012/12/08/the-warning-will-purify-gods-children-in-preparation-for-my-second-coming/

Profeti i Rremë e ka planifikuar tashmë se si ai do t’i zërë postet brenda Kishës Katolike

E Premte, 7 Dhjetor 2012, në 18:45

Bija Ime fort e dashur, ndërsa koha po afron që profeti i rremë ta bëjë veten e tij të njohur, përgatitjet janë kryer prej tij dhe bashkëpunëtorëve të tij për t’i dënuar këto Mesazhe.

Shumë profetë të rremë po depërtojnë ndër ndjekësit e Mi në çdo skaj. Kjo do të shkaktojë, jo vetëm konfuzion, por ata do t’i largojnë fëmijët e Hyjit nga Unë.

Ndërsa ti vazhdon të jesh e refuzuar nga grupet brenda Kishës Sime, ata do të më sfidojnë Mua duke deklaruar se, përkundrazi, të tjerë të ashtuquajtur profetë, e sjellin të Vërtetën tek njerëzimi.

Njëri prej shërbëtorëve të Mi të shenjtë, i cili ashtu si Juda përpara tij, më ka tradhtuar Mua. Ai do të jetë si një gjemb në brinjën tënde.

Ndërsa Kryqëzimi i Kishës Sime të fillojë në ditët e saj të fundit, çdo gjë që ndodhi gjatë Mundimit Tim, do të përsëritet mbi tokë tani. Fillimisht Fjala Ime e Shenjtë do të refuzohet.

Pastaj profeti Im i fundit do të tradhtohet, në Praninë e Eukaristisë Sime të Shenjtë. Ti, bija Ime, do të deklarohesh të jesh një mashtruese prej njërit nga këta profetë e rremë, i cili do ta bëjë këtë në një Kishë Katolike përballë Tabernakullit Tim.

Fjalët e tyre blasfemuese do të duartrokiten nga ata armiq të Hyjit të veshur me rroba të shenjta.

Gjatë kësaj kohe shumë profetë të rremë do të bëhen të njohur, kështu që zërat e tyre do ta mbysin zërin Tim. Pastaj njëri midis tyre do të përpiqet të të shkatërrojë ty.

Dora e Atit Tim do të godasë përmbi ata që i lëndojnë profetët e Tij, të dërguar për ta përgatitur botën për Ardhjen Time të Dytë.

Për fat të keq, shumë shpirtra të shkretë do të çohen në udhë të gabuar. Nuk është se ata do të të refuzojnë ty, bija Ime, që përbën problemin. Por është se ata do të pengojnë shpirtrat që të shpëtohen.

Unë iu bëj thirrje atyre të cilët më duan Mua, që t’i dëgjojnë me kujdes fjalët e profetëve të rremë. Vini re, se si ata nuk do të vihen në pyetje nga priftërinjtë; se si ata do të promovohen prej tyre; dhe se si ata do të lejohen të predikojnë gënjeshtra nga katedrat në Shtëpinë e Atit Tim.

Këto ngjarje do të jenë të shumë përhapura dhe ato do të shtrojnë udhën për profetin e rremë ashtu siç është parathënë, i cili do të vijë së shpejti për të deklaruar fronin e tij.

Paturpësia që do të kryhet mbi Kishën Katolike, pastaj do të shumëfishohet nga veprat e antikrishtit.

Ky njeri, i drejtuar nga Satani, do të duket sikur po bëhet mik i Izraelit. Pastaj ai do të shfaqet sikur po e mbron atë me ndihmën e Babilonisë, që është Bashkimi Evropian.

T
ë gjitha luftërat, të filluara qëllimisht në Lindjen e Mesme, do të përhapen në Evropë.

Antikrishti do të përhapë ateizmin, prapa maskës së Fesë së Re Botërore, e cila do të udhëhiqet nga profeti i rremë.

Bija Ime, sekretet që Unë të kam zbuluar në lidhje me identitetin e profetit të rremë dhe çështjet e tjera nuk duhet të zbulohen akoma. Megjithatë dije këtë.

Profeti i rremë, i cili do të pohojë se është njeri i Hyjit, e ka planifikuar tashmë se si ai do t'i zërë postet brenda Kishës Katolike.

Ai dhe antikrishti punojnë tashmë të bashkuar, për të sjellë shkretim mbi botë, i cili do të rezultojë pasi që neveria brenda Kishës Katolike të jetë përmbushur.

Ndjekësit e Mi, ju nuk duhet t’i dëgjoni ata që përpiqen t’i ndalojnë lutjet tuaja. Ju duhet të pyesni, cili njeri i Hyjit do ta ndalonte recitimin e lutjeve, recitimin e Kurorëzës së Mëshirës Hyjnore apo recitimin e Rruzares së Shenjtë? Përgjigja është se cilido njeri që përpiqet t'ju ndalojë së luturi, edhe nëse ai i vesh rrobat e një shërbëtori të shenjtë, nuk duhet besuar.

Këto janë kohë të rrezikshme për profetët e Mi të vërtetë, të cilët gjithmonë do të refuzohen. Ja se si ju do ta kuptoni se kush ata janë.

Ashtu si Unë u refuzova, u torturova, u fshikullova dhe u përbuza nga priftërinjtë e kohës Sime, po kështu, edhe profetët e Mi do të vuajnë.

Kurrë mos i refuzoni profetët e vërtetë. Dëgjojini lutjet që ata do të sjellin tek njerëzimi si një Dhuratë nga Qielli. Nëse ata nuk ju sjellin lutje, atëherë ata nuk kanë qenë dërguar prej Meje.

Nëse ata janë të mirëpritur me krahë hapur prej priftërinjve, peshkopëve dhe shërbëtorëve të tjerë të shenjtë, publikisht brenda Kishave të tyre, ata nuk kanë qenë dërguar prej Meje.

Njihmëni Mua. Njihini profetët e Mi. Ata do të vuajnë të njëjtat mundime që Unë durova. Ata do të refuzohen prej atyre brenda Kishës Sime, prej ndjekësve të Mi dhe prej të tjerëve që pohojnë se flasin në Emrin Tim.

Barra e tyre nuk do të jetë e lehtë. E megjithatë do të jetë prej refuzimit publik të tyre, shpifjeve të ashpra të përhapura rreth tyre, të cilat ata do të duhet t’i durojnë, që ju do të më njihni Mua.

Shkoni tani dhe mos lejoni që zemrat tuaja të mashtrohen prej gënjeshtarëve.

Jezusi juaj

https://fatherofloveandmercy.wordpress.com/2012/12/07/the-false-prophet-has-already-planned-how-he-will-take-over-the-ministries-within-the-catholic-church/

Virgjëra Mari: Si Nëna e Shpëtimit unë do t’ju ndihmoj ju dhe familjet tuaja që të jeni të kushtuar ndaj Birit tim

E Mërkurë, 5 Dhjetor 2012, në 20:40

Fëmija im, të lutem thuaju fëmijëve të mi që të më thërresin mua, Nënën e tyre të dashur, që unë të mund t'i mbroj ata në këtë kohë konfuzioni dhe shqetësimi.

Zemra Ime e Papërlyer është streha tek e cila ju duhet të ktheheni, në mënyrë që me anë të ndërhyrjes sime, ju të mund ta ripërtërini fenë dhe besimin tuaj në Birin tim.

Unë do t'ju vij në ndihmë dhe lotët e mi të dashurisë dhe dhembshurisë për secilin prej jush do të bien dhe pastaj ju do të gjeni paqe në zemrën tuaj.

Me ndihmën time, të cilën ju duhet ta kërkoni çdo ditë, Biri im do t'ju japë hiret e nevojshme që ju të bëheni të denjë për Mëshirën e Tij të Madhe

Kurrë mos hezitoni të më thërrisni mua, pasi mua më është dhënë një dhuratë e veçantë nga Biri im.

Unë do t’ju ndihmoj që ta përgatisni shpirtin tuaj në mënyrë që të jetë i pëlqyeshëm për Birin tim.

Ndihma ime do t'ju bëjë më të fortë dhe ju do të ndjeni një afrimitet me Birin tim, që ju do ta gjeni aq ngushëllues, saqë ju do të vini përsëri tek unë që të mund t'ju mbaj të sigurt.

Si Nëna e Shpëtimit unë do t'ju ndihmoj ju dhe familjet tuaja që të jeni të kushtuar ndaj Birit tim, Jezu Krishtit.

Ju kurrë nuk duhet ta keni frikë Birin tim, pavarësisht se sa shumë keni mëkatuar, sepse Ai gjithmonë shpreson dhe pret që ju ta thërrisni Atë. Mëshira e Tij është përtej të kuptuarit tuaj.

Fëmijët e mi të ëmbël, ju kurrë nuk duhet ta komplikoni lutjen. Gjithçka që ju duhet të bëni është të flisni me Birin tim dhe të më thërrisni mua për të më ndihmuar që t'ju sjell tek Ai.

Nëna juaj Qiellore
Nëna e Shpëtimit

https://fatherofloveandmercy.wordpress.com/2012/12/05/virgin-mary-as-the-mother-of-salvation-i-will-help-you-and-your-families-to-be-consecrated-to-my-son/

Monday 10 December 2012

Unë i bëj thirrje njerëzimit që të përgatitet për Mëshirën Time të Madhe

E Hënë, 3 Dhjetor 2012, në 19:05

Bija Ime fort e dashur, me gjithë forcën tënde dhe me gjithë kurajon tënde, Unë i bëj thirrje njerëzimit që të përgatitet për Mëshirën Time të Madhe.

Atyre prej jush që janë me zemër të përulët dhe me shpirt të pastër, Unë ju bëj thirrje që të luteni për shpirtrat e atyre që do të vdesin gjatë Paralajmërimit.

Sa shumë iu nevojiten atyre lutjet tuaja. Sa shumë më nevojitet Mua vuajtja juaj. Të dyja këto dhurata, të dhëna prej jush tek Unë, do të ndihmojnë të shpëtojnë ata që nuk mund të shpëtohen përmes vullnetit të tyre të lirë.

Kur Flaka Ime e Mëshirës të derdhet mbi mbarë tokën, shumë do të gëzojnë, por do të jetë një periudhë e dhimbshme për mëkatarët që nuk do të jenë në gjendje të më kërkojnë Mua falje, për shkak të krenarisë.

Pastrimi i tyre do të jetë i dhimbshëm dhe do të duhet shumë vuajtje nga ana e tyre për t’u shpenguar në Sytë e Mi.

Sa fort zemrat e liga të njerëzve do të copëtohen tejpërtej, dhe me tmerr në shpirtrat e tyre, shumë vetë do të bien para Meje në agoni. Le ta dinë ata se, edhe pse ata do të kalojnë shumë vuajtje, miliarda vetë do të pastrohen në zemër dhe shpirt. Atëherë ata do të jenë plotësisht të përgatitur për ditën e madhe të Ardhjes Sime.

Bija ime, sprovat e ndjekësve të Mi do të shtohen dhe intensifikohen përpara Paralajmërimit.

Kur ju të m’i ofroni Mua këto vuajtje, Unë do të shpëtoj shpirtrat e miliona vetëve. Ju lutem që të mos m'i kurseni Mua këto mundime, sepse mrekulli të mëdha do të jepen, pavarësisht nga ata njerëz mosmirënjohës që nuk kanë asnjë turp në zemrat e tyre për ligësinë për të cilën janë fajtorë.

As edhe një njeriu nuk do t'i kursehet pamja e gjendjes së shpirtit të tij ashtu si ajo duket në Sytë e Mi.

Kur ata të shohin gjendjen e mjerueshme të shpirtrave të tyre, ata do të jenë thellësisht të turpëruar. Ata që me të vërtetë ndjejnë keqardhje për fyerjet kundër Hyjit, do të falen. Atyre do t'iu kërkohet që të kalojnë nëpër një pastrim, të cilin ata duhet ta pranojnë me përulësi.

Shumë, shumë shpirtra do ta pranojnë Dorën Time të Mëshirës, por për shpirtrat që kanë kryer mëkat mortor, ata do të jenë kaq të ngurtësuar saqë do ta pengojnë Mëshirën Time. Kjo Lutje e Kryqëzatës duhet të recitohet për shpirtrat pas Paralajmërimit.

Lutja e Kryqëzatës (88) për shpirtrat pas Paralajmërimit

O Zemra e Shenjtë e Jezusit, trego Mëshirë për të gjithë ne mëkatarët e shkretë.

Ndriçoji ato zemra të ngurta, aq të dëshpëruara në kërkimin e tyre për drejtim.

Falua atyre paudhësitë.

Ndihmoji ata, përmes Dashurisë dhe Mëshirës Tënde, të marrin guximin për ta kapur Dhuratën Tënde të madhe të Shëlbimit.

Unë të lutem Ty t'i falësh të gjithë shpirtrat që e refuzojnë të Vërtetën e Hyjit.

Mbuloji ata me Dritën Tënde, Jezus i dashur, që t'i verbojë ndaj ligësisë dhe kurtheve të djallit, i cili do të përpiqet t'i shkëpusë ata prej Teje në përjetësi.

Unë të lutem Ty t'i japësh të gjithë fëmijëve të Hyjit forcën për të qenë mirënjohës për Mëshirën Tënde të Madhe.

Unë kërkoj që Ti t’ia hapësh derën drejt Mbretërisë Tënde të gjithë shpirtrave të humbur që enden nëpër Tokë në një gjendje dobësie dhe dëshpërimi. Amen.


Shkoni, dishepujt e Mi, dhe përmbajuni udhëzimeve të Mia për t’i përgatitur shpirtrat tuaj për Mëshirën Time Hyjnore.

Jezusi juaj

https://fatherofloveandmercy.wordpress.com/2012/12/03/i-call-on-humanity-to-prepare-for-my-great-mercy/