Mëshira Ime është e pafund, por kur Unë poshtërohem, përmes akteve të mizorisë së madhe, të kryera kundër fëmijve të Hyjit, Zemërimi Im është për t’u patur frikë. Dijeni se Unë do t’i ndëshkoj armiqtë e Mi, por kjo është për të mirën e tyre dhe për shpëtimin e të gjithë atyre me të cilët ata bien në kontakt. A ka ndonjë fund në të cilin ata që më përbuzin Mua, Fjalën Time dhe Planin Tim të Shpëtimit; që krenari, arroganti dhe i padituri nuk do të bien? Përgjigja është se ligësia e tyre është e pafund.
Kurrë më parë dashuria mes njerëzve nuk ka munguar kaq shumë, sa është tani. As edhe një shpirt i vetëm i gjallë në botë nuk është i paprekshëm nga influenca e Satanit. Ata që gabimisht besojnë se janë në Favorin Tim, por që i trajtojnë të tjerët rëndë, do ta ndjejnë goditjen e Dorës Sime. Durimi Im po pakësohet; Zemra Ime është rënduar dhe Dëshira Ime për të shpëtuar ata që përpiqen t’i shkatërrojnë të tjerët, e dobësuar.
Dinakëria e të ligut është përtej njohurive tuaja. Ai do të bindi madje edhe ata me besimin më të fortë për të më fyer Mua, përmes mëkateve të rënda, dhe ata me besim të pakët do të dorëzohen, me tej, në thellësitë e dëshpërimit. Askush nuk është i sigurtë nga Satani dhe nëse nuk luteni për Mëshirën Time, të ofroni sakrificat tuaja personale tek Unë, atëherë shkatërrimi i shpirtrave do të rritet.
Miliona janë duke u humbur për Mua në këtë kohë dhe prapë jo shumë të Krishterë e kuptojnë domosdoshmërinë e lutjes. Vetëm lutja do ta shkatërroj influencën e djallit dhe Unë kërkoj që ju ta shtoni kohën që kaloni në lutje për të dobësuar mbërthimin që ai ka mbi racën njerëzore.
Ju kurrë nuk duhet ta harroni Premtimin Tim – të gjithë ata që janë me Mua dhe në Mua do të kenë jetën e përjetshme.
Jezusi juaj